Relatos de 6º curso para o Certamen de medo

 En 6º de primaria o relato gañador foi  " A CASA DO XARDINEIRO" de Marco Gómez Toimil de 6º C que recibeu un libro de agasallo. Premede na imaxe para ler os relatos escritos por Marco e os seus compañeiros.

 

Relatos de medo dos alumnos de 5º

 En 5º de primaria, o relato gañador foi :"OS HORRORES" de Noa Planas Fernández de 5º A. Recibeu un libro de agasallo.

Premendo na imaxe podedes ler esta historia e as dos seus compañeiros .

 

5 relatos de medo dos alumnos de 4º

En 4 º de primaria os gañadores foron:

"O ciclo zombie" relato grupal de 4º B. Recibiron uns libros para a aula.
 "O Samaín terrorífico" de Sabela Míguez González de 4º D. Recibeu un libro de agasallo.

Aquí están todos os relatos seleccionados e os dous agasallados.

 

Relatos de medo de 3º

   Contos presentados polos alumnos de 3º para o Certame de relatos de medo do colexio. Podedes ler e ver os debuxos que fixeron premendo AQUÍ ou na imaxe de abaixo. 

O relato gañador: "NUN PALACIO CHEO DE SANGUE"  foi escrito por Paula Freire Buján de 3ºB. Recibeu un libro de agasallo.

 

 

Podedes ler o relato de Paula ampliando a imaxe.

 

 

Relatos de medo de 2º

 2º de primaria _ 

O relato gañador foi: "O vampiro" de Martina Gigirey Rodríguez de 2ºB. Recibeu un libro de agasallo.

Ademais seleccionouse tamén o traballo colectivo "A casa encantada dos vampiros" dos alumnos de 2ºC, que recibiron uns libros para a aula. Premede na imaxe para poder leelo.

 

Premede AQUÍ   ou na imaxe de abaixo para ver  os relatos presentados polos alumnos de 2ºA

 Os relatos de medo que presentaron os nenos e nenas de 2ºB están AQUÍ e podedes leelos premendo na imaxe.

 

A cabaza Pipa por 1ºA

  A cabaza Pipa é un conto presentado polos alumnos de 1º A para o certamen de relatos de medo organizado polos equipos de Normalización e Biblioteca. Foron agasallados con  libros para a aula e a cada neno e nena entregouselle un diploma de participación.

 

Traballos de infantil para o Certamen de medo

 O xurado do "Certamen de debuxos  e relatos de medo" seleccionou os traballos de debuxo en modalidade grupal de tódolos alumnos de infantil e agora estanse a expoñer na entrada do edificio. A cada aula agasallaráselle con un libros para a aula e a cada neno e nena daráselle un diploma de participación.

Este foi o resultado dos traballos dos pequenos, están ordenados de 3 a 5 anos: 

Resultado do Certame de medo

Reunidos os membros do xurado para seleccionar os relatos gañadores do Certame de relatos de medo. Son os seguintes:

• Educación infantil _ Modalidade grupal: Debuxo

Seleccionáronse todos, e estanse a expoñer na entrada do edificio de educación infantil, a cada aula agasallaráselle con un libros para a aula e a cada neno e nena daráselle un diploma de participación.

• Educación Primaria: están expostos na entrada principal do edificio de primaria

• 1º de educación primaria_ Modalidade grupal

Seleccionáronse os tres presentados (un de cada aula), a cada aula agasallaráselle con un libros para a aula e a cada neno e nena daráselle un diploma de participación.

• 2º de primaria _ 

Relato gañador: "O vampiro" de Martina Gigirey Rodríguez de 2ºB. Recibirá un libro de agasallo.
Ademais seleccionouse tamén o traballo colectivo "A casa encantada dos vampiros" de 2ºC, que recibirán uns libros para a aula.

• 3º de primaria

Relato gañador: "Nun palacio cheo de sangue" de Paula Freire Buján de 3ºB. Recibirá un libro de agasallo

• 4º de primaria:

"O ciclo zombie" relato grupal de 4º B. Recibirán uns libros para a aula
 "O Samaín terrorífico" de Sabela Míguez González de 4º D. Recibirá un libro de agasallo

• 5º de primaria:

"Os horrores" de Noa Planas Fernández de 5º A. Recibirá un libro de agasallo

• 6º de primaria:

" A casa do xardineiro" de Marco Gómez Toimil de 6º C. Recibirá un libro de agasallo

Certame de relatos e debuxos de medo

  Estamos a punto de rematar co CERTAME DE RELATOS E DEBUXOS DE MEDO convocado polos Equipos da Biblioteca e de Normalización Linguística.  Xa foron chegando desde as titorías e agora farase a lectura previa para despois publicalos no blog e na web do colexio.

Grazas a todos por colaborar!

 

Uso da Biblioteca neste curso

 Unha vez reunido o equipo da Biblioteca e despois co acordo do Claustro, decídimos que de momento este curso non poderemos empregar a biblioteca tal como se viña facendo ata agora por varios motivos:

1. O principal é pola seguridade do alumnado, xa que no colexio estanse a realizar obras dende o curso pasado. Estase construíndo un novo espazo de comedor, polo que nos vimos na obriga de ceder o espazo físico da biblioteca para os usuarios do mesmo e facer o traslado provisional a un espazo novo. O novo espazo que tiñamos ata agora destinado á biblioteca é moi reducido e non podemos manter as distancias de seguridade establecidas no protocolo Covid-19.

2. O que sí realizaremos será o préstamo de libros físico para as aulas, para os mestres que o desexen, onde serán os propios titores os encargados de regular o seu uso atendendo ás normas sanitarias derivadas da situación epidemiolóxica na que estamos inmersos.

3. A biblioteca escolar intentará adaptarse á nova situación incorporando ao noso fondo libros dixitais e celebrando as diferentes conmemoracións establecidas no calendario escolar regulado pola ORDE do 25 de xuño pola que se aproba o calendario escolar para o curso 2020/ 2021 nos centros sostidos con fondos públicos na Comunidade Autónoma de Galicia.

4. As actividades que se propoñan dende o equipo de biblioteca para a celebración de ditas conmemoracións serán de xeito telemático para o que se empregarán tanto este blogue como a web do centro ou aulas virtuais.

5. Por outra banda ao reorganizar as sesións lectivas para incluír un tempo específico para tarefas de hixiene, aseo e desinfección, houbo que prescindir do tempo "específico" para a “Hora de ler”, pero  cada titor buscará en que sesión lectiva (relacionada coas linguas) acae mellor facela, polo que terá que ser integrada nesas horas lectivas.

 

(vistas das obras do novo comedor desde unha das zonas da Biblioteca)

 

 

 

Guía de lecturas para o verán

PREMER AQUÍ PARA ABRIR A GUÍA

Lois fálanos de Ricardo Carvalho Calero

 Seguindo unha das propostas de aula de 4º para o Día das Letras Galegas, Lois enviounos este video falándonos sobre o autor. Gracias Lois!

Os contos favoritos de 5ºC de Infantil

  Os nenos e nenas de 4 anos de 5ºC de Infantil tamén  recrearon os seus contos favoritos para o Día do libro. Coas fotos que nos enviaron de esta proposta elaboramos esta montaxe. 

 

Dioramas de contos de 5ºA de infantil

  Unha das propostas que se lle fixeron no mes do libro para os nenos de 4 anos de infantil era a de crear con materiais que tiveran pola casa, un DIORAMA: unha maqueta dun conto que lles gustase aos nenos. Estos son os dioramas de 5º A . Empregaron: caixas, cartóns, telas, playmobiles, pezas de xoguetes, gominolas..... moitos materiais diferentes e sobre todo moita imaxinación!.

 

O día do libro dos nenos e nenas de 1ºB

  Con motivo do DÍA DO LIBRO os nenos e nenas e as familias da clase de 1º B déronlle unha SORPRESA á súa profe Vanessa con este fermoso vídeo onde recrean as portadas dos seus contos favoritos. 

 

Contacontos coa profe Estela!

 Para conmemorar o DÍA DO LIBRO a profe Estela realizou estos videos para compartir cos máis pequenos, e tamén cos maiores. 
 Cóntanos dous contos: "Un libro" de Hervé Tullet  e "Voy a comedte" de Jean Marc Derouen.  

 

Conto: "Tí es o meu heroe"

  Este  conto foi un proxecto da UNESCO do "Grupo de Referencia...en Situacións de Urxencia". Contou co apoio de expertos mundiais, ademais de pais, cuidadores, profesores e nenos de 104 países. O libro foi compartido a través de contos a nenos de varios países afectados por COVID-19. Despois revisouse  a historia coas aportacións dos nenos e finalmente quedou así. 

É un conto para que llelo lea un adulto e para falar con eles...

 

PREMER AQUÍ

Plataforma dixital GaliciaLe

   A Xunta de Galicia acaba de abrir a todo o público o seu catálogo dixital de máis de 4500 obras a través de GaliciaLe:

"GaliciaLe é a plataforma de préstamo de libros, revistas, audiolibros e películas en formato electrónico das bibliotecas públicas galegas...

  GaliciaLe proporciona un servizo de préstamo temporal de obras en formato dixital...

  As obras poderán lerse e visionarse en dispositivos compatibles: tabletas, teléfonos móbiles e ordenadores persoais e desde un lector de libro electrónico."

 

premede AQUÍ para acceder á plataforma

 Neste video tedes as instruccións para entrar, rexistrarvos e ter acceso xa.

POESÍA CONTRA A PANDEMIA

  A pesar de que o día a día está  cheo de noticias sobre a pandemia hoxe día 21 de marzo conmemóranse cinco días igual de importantes entre eles e que vos lembro abaixo. Outro ano calquera  traballaríamolos e faríamos actividades sobre eles....

 pero hoxe é dificil pensar en outra cousa que non sexa a pandemia, cando non podemos abrazar ás persoas, cando estamos confinados e non podemos pasear polos bosques, cando é máis dificil aínda explicarlles todo esto aos nosos  nenos con sindrome de Down ou cambiarlles esas rutinas tan importantes para os que teñen autismo.... pero para eso sirve a poesía, para expresar sentimentos e transmitilos, para apoiarnos nas palabras e falar da nosa humanidade común 

💞 Hai un conto de Leo Lionni  "FREDERICK "que temos na Biblioteca e seguro que moitos tedes na casa, que fala da importancia da poesía e sobre todo dos poetas. Porque: PARA QUÉ SIRVE UN POETA NESTES DÍAS?       (Se non tedes o libro, poñovos aquí este corto que en apenas 5 minutos danos a resposta a esa pregunta).

 

• O DÍA MUNDIAL DA POESÍA promovido pola Unesco para fomentar a súa ensinanza, a tradición oral e facer que sexa unha canle para transmitir os valores das comunidades.

 O DÍA INTERNACIONAL PARA A ELIMINACIÓN DA DISCRIMINACIÓN RACIAL promovido pola ONU para suprimir calquer forma de discriminación racial.

   O  DÍA DA SÍNDROME DE DOWN establecido polas NACIÓNS UNIDAS  para crear conciencia dentro da sociedade do valor que teñen estas persoas a pesar da súa discapacidade intelectual.

• E tamén o DÍA INTERNACIONAL DOS BOSQUES que ten por obxectivo crear conciencia da importancia de preservar e coidar as áreas forestais do planeta e a supervivencia de tódalas especies.

•  Incluso hai un DÍA INTERNACIONAL DA MARIONETA unha manifestación do desenvolvemento cultural dos pobos.
  
  

Bibliotecas Dixitais: ventanas ao mundo!

 Estos días imos ter que estar pechados na casa para loitar contra o coronavirus, pero desde aquí imos intentar abrir moitas VENTANAS AO MUNDO  a traves das Bibliotecas que ofrecen libremente os seus fondos. 

Estas son algunhas, pero son moitas máis. Intentaremos incorporalas nesta lista....

 A BIBLIOTECA DIGITAL MUNDIAL  que conta co apoio da UNESCO  ofrece acceso gratuito a mapas, manuscritos , libros raros e fotografías e outros documentos de interés cultural.

BIBLIOTECA DIGITAL MUNDIAL

 GALICIANA é a Biblioteca Dixital de Galicia e pretende recuperar, conservar e difundir  o Patrimonio Bibliográfico de Galicia e contribuir ao coñecemento e investigación da lingua, a historia  e a cultura galega

premer aquí

O PROXECTO GUTEMBERG  é a Biblioteca dixital máis antiga, unha das maiores redes de libros dixitais do mundo con case 50.000 obras en 60 idiomas que poden ser descargadas ou lidas online

PROXECTO GUTEMBERG

 A BIBLIOTECA EUROPEANA   na que podes explorar case 60 millós de obras de arte, libros, videos e sons de toda Europa...

BIBLIOTECA  EUROPEANA

HISPANA  é o portal de acceso ao Patrimonio cultural e reune coleccións dixitais de arquivos, bibliotecas e museos españois.

premer para acceder a Hispana

 A BIBLIOTECA DIGITAL HISPÁNICA  dispón dun amplio repositorio de documentos dixitalizados: libros, manuscritos, fotografías.... 

premer para acceder á Biblioteca Digital Hispánica

A BIBLIOTECA DIGITAL MIGUEL DE CERVANTES ten un fondo bibliográfico de libre acceso con obras de literatura, ciencias, historia...

Biblioteca Virtual Miguel de Cervantes

 Con case dous millóns de páxinas, a BIBLIOTECA DO REAL JARDÍN BOTÁNICO, contén facsímiles, informes sobre biodiversidade vexetal, historia da Botánica, informes sobre as expedicións científicas...

Biblioteca do Ral Jardín Botánico de Madrid

seguiremos ampliando......



Ver o listado que fixo Julian Marquina con 22 grandes bibliotecas dixitais en España e nas distintas Comunidades....

A mirada e o corazón de Rosalía

  Para conmemorar o DÍA DE ROSALÍA os nenos e nenas de 5ºA de infantil fixeron un cadro quebracabezas xigante a partir da obra doutra muller, a artista viguesa Abi Castillo, que destaca polas cores e o simbolismo empregado. O cadro está na entrada de infantil e no blog da clase contan como o fixeron se premedes AQUÍ.

 

  Fixáronse sobre todo na mirada e o corazón de Rosalía, que medrou no entorno de Bertamiráns, na aldea de Ortoño, vendo regatos pequenos, fontes, rios, arboredas, paxariños piadores, pinares que move o vento... Os mismos que podemos ver hoxendía só con darnos unha volta. Viron tamén o libro "Rosalía" de Helena Villar Janeiro.

Rosas para Rosalía

   Os nenos e nenas de 5º C de infantil achegáronse á poesía de Rosalía de Castro con estes versos:

 "Vente rapasa, vente meniña,

 vente lavar ao pilón da fontiña. 

Ai, que  meniña que nena preciosa,

 despois de lavada parece unha rosa".

  

  Fixeron  espirais de papel nas que escribiron o poema e despois recortaron e montaron as rosas.

As fiestras de Rosalía

  Estas son as "fiestras" cos poemas de Rosalía de Castro que fixemos no colexio para compartir os seus poemas con tódolos veciños repartíndoas polos escaparates de Bertamiráns xunto cos alumnos de todo o Concello, seguindo unha proposta dos Equipos de Normalización.

Día de Rosalía

   

Algunhas das actividades para o día de Rosalía organizadas no centro. Unhas polo equipo da Biblioteca e outras tamén en colaboración co equipo de Normalización: exposición das súas obras, busca de información sobre a escritora a partir dun panel de preguntas, busca e selección de poemas para poñer nas "fiestras", retratos de Rosalía con distintas técnicas... 

Texto da canción : adios ríos , adios fontes 

Voz e música : Amancio Prada

 (Nas seguintes entradas continuaremos mostrándovos máis traballos sobre Rosalía. De momento podedes ver o que fixeron algúns dos pequenos de Infantil nos blogs de 4 anos e de 5 anos )

Ludoteca

   Estos días comezamos a ofertar a zona da LUDOTECA no piso de arriba, con espazos cómodos , alfombras e mesas onde poden xogar respetando os horarios establecidos para cada clase ao longo da semana.

 

 

Por zonas: mobiliario e algúns dos xogos: