Premio Astrid LindGren memorial Award 2022

 "A Rede de Bibliotecas Escolares de Galicia, impulsada pola Xunta, está nomeada ao premio internacional Astrid LindGren memorial Award 2022, un dos recoñecementos máis valorados no mundo do libro infantil e xuvenil. O gañador do galardón, outorgado polo Goberno sueco, coñecerase en maio de 2022 no marco da Feira do Libro Infantil en Bolonia.

A candidatura galega atópase entre os 282 proxectos de 71 países que tamén optan a este galardón, e é o único proxecto institucional nomeado en representación de España.

O resto dos candidatos españois son autores a título individual como é o caso da tamén galega escritora, contacontos e actriz Paula Carballeira, as ilustradoras Jacqueline Molnár e Elena Odriozola e o autor Jordi Sierra i Fabra". LER MÁIS AQUÍ +

E para entrar na páxina da asociación (está en sueco e inglés) premede na imaxe de abaixo:

 

Relatos de 6º curso para o Certamen de medo

 En 6º de primaria o relato gañador foi  " A CASA DO XARDINEIRO" de Marco Gómez Toimil de 6º C que recibeu un libro de agasallo. Premede na imaxe para ler os relatos escritos por Marco e os seus compañeiros.

 

Relatos de medo dos alumnos de 5º

 En 5º de primaria, o relato gañador foi :"OS HORRORES" de Noa Planas Fernández de 5º A. Recibeu un libro de agasallo.

Premendo na imaxe podedes ler esta historia e as dos seus compañeiros .

 

5 relatos de medo dos alumnos de 4º

En 4 º de primaria os gañadores foron:

"O ciclo zombie" relato grupal de 4º B. Recibiron uns libros para a aula.
 "O Samaín terrorífico" de Sabela Míguez González de 4º D. Recibeu un libro de agasallo.

Aquí están todos os relatos seleccionados e os dous agasallados.

 

Relatos de medo de 2º

 2º de primaria _ 

O relato gañador foi: "O vampiro" de Martina Gigirey Rodríguez de 2ºB. Recibeu un libro de agasallo.

Ademais seleccionouse tamén o traballo colectivo "A casa encantada dos vampiros" dos alumnos de 2ºC, que recibiron uns libros para a aula. Premede na imaxe para poder leelo.

 

Premede AQUÍ   ou na imaxe de abaixo para ver  os relatos presentados polos alumnos de 2ºA

 Os relatos de medo que presentaron os nenos e nenas de 2ºB están AQUÍ e podedes leelos premendo na imaxe.

 

Resultado do Certame de medo

Reunidos os membros do xurado para seleccionar os relatos gañadores do Certame de relatos de medo. Son os seguintes:

• Educación infantil _ Modalidade grupal: Debuxo

Seleccionáronse todos, e estanse a expoñer na entrada do edificio de educación infantil, a cada aula agasallaráselle con un libros para a aula e a cada neno e nena daráselle un diploma de participación.

• Educación Primaria: están expostos na entrada principal do edificio de primaria

• 1º de educación primaria_ Modalidade grupal

Seleccionáronse os tres presentados (un de cada aula), a cada aula agasallaráselle con un libros para a aula e a cada neno e nena daráselle un diploma de participación.

• 2º de primaria _ 

Relato gañador: "O vampiro" de Martina Gigirey Rodríguez de 2ºB. Recibirá un libro de agasallo.
Ademais seleccionouse tamén o traballo colectivo "A casa encantada dos vampiros" de 2ºC, que recibirán uns libros para a aula.

• 3º de primaria

Relato gañador: "Nun palacio cheo de sangue" de Paula Freire Buján de 3ºB. Recibirá un libro de agasallo

• 4º de primaria:

"O ciclo zombie" relato grupal de 4º B. Recibirán uns libros para a aula
 "O Samaín terrorífico" de Sabela Míguez González de 4º D. Recibirá un libro de agasallo

• 5º de primaria:

"Os horrores" de Noa Planas Fernández de 5º A. Recibirá un libro de agasallo

• 6º de primaria:

" A casa do xardineiro" de Marco Gómez Toimil de 6º C. Recibirá un libro de agasallo

Antonio García Teijeiro premio nacional.

 A nosa homenaxe a   Antonio García Teijeiro (Vigo 1952) que acaba de obter o Premio Nacional de Literatura Infantil e Xuvenil  2017 pola súa obra  "Poemar o mar". 

Antonio García Teijeiro e "Poemar o mar": Premio Nacional de Literatura Infantil e Xuvenil. 2017

   Antonio García Teijeiro (Vigo 1952) acaba de obter o Premio Nacional de Literatura Infantil e Xuvenil  2017 pola súa obra  "Poemar o mar".

   O premio está concedido polo Ministerio de Educación, Cultura e Deporte para distinguir unha obra de autor español, escrita en calquera das linguas oficiais do Estado que esté editada en España durante o ano 2016.

   García Teijeiro é un dos grandes poetas e contadores de historias da literatura infantil e xuvenil galega. Na nosa Biblioteca dispoñemos dun amplo fondo das súas obras que podedes consultar  premendo AQUÍ.

   Premendo AQUÍ  tedes o enlace coa páxina do Ministerio con máis información do galardonado. "Poemar ou mar" é un libro de poemas que forma parte dunha trilogía: "No berce do mar" e "Palabras do mar". Estas tres obras teñen o mar como  protagonista e Xan López Domínguez ilustra a obra pola que García Teijeiro gañou este premio.

 

     Poño aquí un enlace coa súa páxina na Biblioteca Virtual Cervantes onde García Teijeiro  fai unha semblanza de si mesmo, da súa vida, obra e do seu papel como mestre e escritor. 

    Tamén dirixe o blog-revista "VERSOS E ALOUMIÑOS" creado por Antón García Fernández. 

Concurso Literario Intercentros: a galiña azul

   No concurso literario Intercentros  que se celebrou entre Abril e  Maio e no que participaron os alumnos de 3º a 6º para buscarlle un final diferente á obra "A GALIÑA AZUL" de Carlos Casares, resultaron gañadores estos relatos:

premer AQUÍ para ver mellor o texto

Isabel e Angeles Abelleira Premio Marta Mata de Pedagoxía 2016

   Acaba de concederse en Barcelona o prestixioso Premio de Pedagogía Marta Mata 2016 á nosa directora Isabel  e á súa irmá Angeles Abelleira  da EEI do Milladoiro polo libro “Os fíos de infantil. InnovArte Educación Infantil". Un traballo que recolle algunhas das experiencias entre os máis de mil post ao longo dos seis anos de publicación deste blog que é todo un referente na educación infantil e  que será publicado en español pola editorial Octaedro, en catalán por Rosa Sensat e en galego pola editorial Galaxia.

 

Parabens ás dúas!

 

   Deixo aquí o post que elas acaban de colgar no propio BLOG INNOVARTE no que contan a súa experiencia tanto no premio como ao longo dos anos na Educación Infantil.

    E, coma sempre, podedes seguir INNOVARTE desde a ligazón no lateral dereito.

   A nova foi salindo ao longo da semana tanto na prensa catalana como na galega, nestas ligazóns: La Vanguardia , Faro de Vigo, Diari de l´Educació , e no Correo gallego así como na web de Rosa Sensat.

Forever young de Bob Dylan na Biblioteca

    Na biblioteca contamos desde fai tempo na sección de música con este libro sobre Bob Dylan, o recente Premio Nobel de Literatura. A profesora de música teno empregado e recomendado nas súas clases, así como feito audicións de algunhas obras de Dylan. O título do libro é "Novo para sempre (Forever young). Desde a súa aparición no ano 1974 no álbum Planet Waves, esta foi unha das cancións máis populares de Dylan. E conta coas ilustracións de Paul Rogers que  fixo "un homenaxe  a un himno que manterá a súa mensaxe nova para sempre" con imaxes inspiradas nas cancións e na vida de Dylan. En palabras do cantante: "escribín Forever Young pensando nun dos meus fillos. As frases viñéronme soas. Foron escritas nun minuto, e así é como xurdiu a canción. Realmente non quería escribila (buscaba algo diferente). A canción escribiuse soa. Algunhas cancións son así.". Bob Dylan.

Bob Dylan: premio Nobel de Literatura

    Este ano o premio Nobel de literatura 2016 non o acadou un escritor digamos "de libros" senón un gran POETA DA MÚSICA. A Academia sueca concedeulle o seu máis importante premio ao cantante BOB DYLAN "por ter creado novas expresións poéticas no marco da gran tradición musical americana". Como dixo Sara Danius, secretaria permanente da Academia cando anunciou o Premio: "Pode ser escoitado e pode ser leido, é un gran poeta na tradición do inglés".

    O cantante americano, ademáis de polo público de varias xeracións, ve así aínda máis recoñecida a súa obra, despois de  ter recibido o Pulitzer en 2008 e o Premio Príncipe de Asturias das Artes no ano 2007. Esta vez o efecto secundario cada vez que un escritor recibe un premio deste calibre, non vai achegar aos lectores ata as librerías senón as tendas de música....

 

    Para saber máis do novo premio nobel desde a páxina oficial da Academia premer AQUÍ+

 

 A resposta está flotando no vento.....

premio para artistas do reciclaxe

Nayra Prado González, de 10 anos e alumna de 6º, foi a gañadora do primeiro premio  no Iº Concurso Infantil de Dibuxo Reciclar en Compostela, convocado por La Voz de Galicia e patrocinado por Urbaser.  Manuel Mosquera Dapena, de 12 años, que acaba de pasar ao instituto, tamén foi finalista no mesmo concurso. Nayra participou cun despregable sobre a imaxe da Terra cunha mensaxe para  fomentar a reciclaxe dos residuos e Manuel (que xa ten experiencia en esto de ir gañando concursos, sobre todo literarios) dibuxou o Paseo da Ferradura da Alameda. Parabéns a ambos.

PREMIOS LITERARIOS DOS ALUMNOS

   Como en edicións anteriores alumnos e alumnas do noso centro participaron nos Concursos Literarios e resultaron premiados varios deles: Iria Pérez, Raúl Jiménez e Natalia Paz no Certamen Intercentros do Concello de Ames e Manuel Mosquera o 1º premio na categoría de 12 a 18 anos no do Concello de Negreira. E son "reincidentes"!  Nos issuus do final da entrada podedes ler os relatos e poemas premiados.

PARABÉNS RAPACES:  POLO PREMIO E POLO ESFORZO !

Iria, Natalia e Raúl en Ames

Manuel Mosquera en Negreira

A VIAXE DE GAGARIN E OUTROS PREMIOS

  

  1.  A viaxe de Gagarin, de Agustín Fernández Paz, acaba de ser recoñecido como mellor libro de ficción do ano co premio Anxel Casal pola Asociación Galega de Editores.

    Ademáis, na selección dos mellores de 2014 da web Fervenzas Literarias, Agustín Fernández Paz tamén foi elixido polos lectores como Autor do ano e A viaxe de Gagarin, como mellor libro de Narrativa de adultos.

SINOPSE DA VIAXE DE GAGARIN:

     "O doce de abril de 1961, o cosmonauta Iuri Gagarin, a bordo da nave Vostok 1, convértese no primeiro ser humano en viaxar ao espazo exterior....

   Cincuenta anos despois, Miguel Mendiguren, un home na fronteira dos sesenta anos, mentres vela os días derradeiros da súa nai nun cuarto de hospital, lembra a proeza do cosmonauta ruso. Daquela el tiña dez anos e gañara un concurso escolar de redacción ...". UN LIBRO CON BLOG PROPIO. LER MÁIS  +

                        E como esta entrada vai de PREMIOS: 

2. Escarlatina a cociñeira defunta, de Ledicia Costas, de Xerais,  levou o Premio Neira Vilas o mellor libro infantil    otorgado pola  Asociación Galega de Editores. 
      Escarlatina competía  entre outros con:
A cociñeira do rei, de Soledad Felloza. OQO Editora.
Non hai berce coma o colo, de Magoia Bodea e outros. Kalandraka Editora.
Ovella descarreirada, de Marilar Aleixandre. Edicións Xerais.
Xique Xoque, Fiu Fiú+ DVD, María Fumaza. Editorial Galaxia.
Cuca e o abrigo marrón, Fina Casalderrey. Edicións Rodeira.

 SINOPSE DE ESCARLATINA:

   "Como Román Casas quería ser un auténtico chef, pediulle aos seus pais un curso de cociña para o seu décimo aniversario, que coincide co Día de Defuntos, a festa dos mortos. E nese día tan especial recibiu un megasusto, un agasallo moi singular, un cadaleito acompañado dun sobre negro onde viñan as instrucións para activar a Escarlatina, unha cociñeira falecida no século XIX..."

   3. E, como non, o Premio Fernández del Riego á difusión cultural que foi para as Bibliotecas Escolares de Galicia   "polo seu labor de apoio continuado ao libro e a lectura no ámbito escolar". Desta rede nós formamos parte xunto con máis de 500 bibliotecas máis! Parabéns a todos compañeiros/as!.

PREMIOS AS CABAZAS E COMPOSICIÓNS DE OUTONO

  O venres, na Biblioteca do Centro, fíxose a entrega dos premios dos concursos de cabazas e composicións de outono organizados polo equipo de Actividades Escolares.  Ana, como coordinadora do equipo, e a directora Lita repartiron os diplomas de participación nas cabazas para os alumnos de primaria e despois entregaron os agasallos aos traballos premiados que, no caso de primaria, foron otorgados por votación dos propios rapaces. No kizoa que enlazo abaixo están todos os traballos premiados. Como veredes nas fotos os alumnos de infantil estaban un chisco "emocionados" polo seus primeiros premios. Os traballos eran todos fantásticos, moi bós e creativos, sendo realmente dificil separar categorías, valorar os que fixeron sós e os que fixeron con moita axuda, e desde aquí agradecemos aos rapaces e aos pais e nais a participación neste concurso. Esperamos que pasárades un rato entretido planexando, buscando os materiais e realizando estas composicións cos vosos fillos, que era (premios aparte) do que se trataba. Moitas grazas a todos. 

PREMER PARA VER A ENTREGA DE PREMIOS

CABAZAS PREMIADAS NO CONCURSO

     Estas son as cabazas premiadas entre todas as expostas durante o Samaín. As de primaria foron escollidas por votación dos alumnos. A decir verdade a selección non era nada doada pola calidade dos traballos presentados para esta actividade organizada polo equipo de Actividades Extraescolares. Así que aquí están as gañadoras, pero todas eran merecedoras de recoñecemento. 

Podedes ver o resto das cabazas  premendo AQUÍ. 

Grazas a todos por participar!  

PREMER NA IMAXE PARA VER AS CABAZAS PREMIADAS

GALARDONADOS NOS CERTAMES LITERARIOS DO CONCELLO DE AMES

PREMER AQUÍ

  OS GAÑADORES:  MANUEL, RAÚL, ALEJANDRO E RODRIGO. MANUEL GAÑOU O 1º PREMIO DA 1ª CATEGORÍA DE NARRATIVA PARA TODA GALICIA  DO XI CERTAME LITERARIO DO CONCELLO DE AMES E  OS OUTROS TRES ALUMNOS DESTE CENTRO (RAÚL, ALEJANDRO E RODRIGO) O 1º E 3º PREMIOS DO CERTAME LITERARIO INTERCENTROS. PREMER EN CADA IMAXE PARA VER AS CATEGORIAS E PARA LER OS RELATOS COS QUE GAÑARON.

PREMER AQUÍ

PREMER AQUÍ

PREMER AQUÍ

MAFALDA E QUINO PRÍNCIPES DE ASTURIAS DAS HUMANIDADES !

  O humorista gráfico "QUINO" creador do personaxe de MAFALDA,  acaba de ser galardonado co Premio Príncipe de Asturias de Comunicación e Humanidades 2014  según comunicou hoxe en Oviedo o xurado encargado da súa concesión.

    Un premio máis que merecido para agradecerlle que nos fixera rir e pensar durante máis de 50 anos.

premer AQUÍ para entrar
 na páxina de QUINO