Video book-trailers de "O día que choveron gatos".

O prometido é débeda. Aquí tendes algúns dos book-trailers que fixo o alumnado de 5º B sobre o libro de Eva Mejuto "O día que choveron gatos" pola Semana do Libro.

 

Feito por Fran

Feito por Mateo

Feito por Álvaro 

Agardamos que vos gustasen moito e, sobre todo, que quedarades con gañas de ler o libro!

Visita de Ramón D. Veiga

Chegou ao noso cole unha visita moi esperada polos nenos e nenas de primeiro: Ramón D. Veiga estivo con nós e pasámolo xenial! Este escritor é o autor dos títulos "Miñoca e ourizo", "Miñoca e coello" e "Miñoca e pega", da editorial Xerais. Podedes ver as fotos destes títulos a continuación. Esta colección cautivou aos máis cativos e cativas de primaria.

Durante esta sesión os nenos e nenas convertéronse en ilustradores e ilustradoras, imaxinando aloucadas viñetas que embarcaban, esta vez, a miñoca e ao seu amigo coello en aventuras hilarantes cheas de imaxinación.

Tamén tivemos a sorte de coñecer de primeira man o que lle acontece a miñoca, coello e pega na nova entrega da colección: "Chove!". Respondendo ás preguntas dos nenos e nenas, Ramón falounos do seu libro máis especial, "Violeta quere ser vampiro", inspirado nunha anécdota familiar. Esperamos que disfrutedes tanto coma nós lendo os seus libros!

Visita de Eva Mejuto

Dentro do itinerario lector deste curso, o alumnado de 5º de primaria puido ler a novela de Eva Mejuto, "O día que choveron gatos", unha divertida historia chea de humor, sátira, solidariedade e amor polos animais.

Catarina múdase desde a gran cidade a unha pequena, gris e aburrida vila, ou iso pensaba ela. Aínda por riba, o propietario da vivenda onde se instala coa súa familia é Ovidio Lema, un personaxe desprezable que se presenta ás eleccións municipais polo PAI: a plataforma antianimalista que pretende acabar cos gatos da rúa. Catarina ponse a traballar pola súa conta para boicotear a campaña, convencida de que só ela pode salvar os animais. Pero un día van chover gatos e Catarina decatarase de que unha persoa soa non pode cambiar o mundo, pero en boa compañía pode, polo menos, intentalo.

Día do libro 2024

Para conmemorar o Día do libro tivo no CEIP A Maía levamos a cabo varias iniciativas ao longo da semana do 22 ao 26 de abril. En primeiro lugar, fixemos lecturas compartidas entre o alumnado das diferentes aulas e niveis, gozando dos libros como fonte de lecer. Aquí tedes unha escolma de fotografías:

Tamén invitouse ás familias a que viñeran a contar un conto nas aulas. Aquí tedes un exemplo nunha aula de 1º de primaria.

O alumnado de 5º e 6º preparou book-trailers das súas lecturas favoritas. Están terminando de rematalos así que teredes que esperar ao seguinte post para ver algunha mostra. Ademais, o equipo da biblioteca preparou unha exposición sobre a historia do libro e un concurso que consistía en averiguar o motivo polo que se celebra o “Día do libro” na data do 23 de abril. Habilitouse un buzón de respostas e todo o alumnado participante levou un agasallo.

Visita de Pere Tobaruela

Coincidindo co Día do libro, o 23 de abril, o alumnado de 2º de primaria tivo a visita do escritor Pere Tobaruela. O autor de "Mariña e o balón", lectura que formou parte do itinerario lector para este curso, charlou animadamente cos nenos e nenas da súa obra. Aquí vos deixamos algunhas das imaxes dese día.

Psando a bóla con Xanela do Maxín

Neste martes o alumnado de 3º de primaria participou nunha proposta de intervención escolar e social sobre o acoso, baseada no libro "A banda dos insectos" de Celtia Figueiras. Esta actividade aborda o problema do bullying no contexto escolar a través do xogo dramático para explorar posibles solucións a través do teatro. Alumnado voluntario, colaborando como actores e actrices con Xosé Vidal, da compañía de teatro Xanela do Maxín, escenificaron escenas construídas especialmente para representar diversas manifestacións de acoso que se poden chegar a dar nun centro educativo. Os rapaces e rapaces puideron aportar solucións aos comportamentos observados. Finalmente, incorporáronse as novas propostas como parte da actuación. Aquí vos deixamos unha escolma de fotografías para que vexades en que consistiu.

Visita de Antía Yáñez

Hoxe recibimos na biblioteca do noso cole a Antía Yáñez, autora de Plan de rescate. Esta novela de literatura infantil e xuvenil recibiu o premio Agustín Fernández Paz pola igualdade ao presentar unha historia á vez divertida e trepidante; pero tamén conmovedora protagonizada por uns rapaces e rapazas con capacidades especiais. Como di unha delas, Noela, "prepárate para vivir unha aventura onde hai escopetas, sangue, xuramentos e ata un plan de rescate; pero tamén un chisco de amizade, compañeirismo, traballo en equipo e mesmo algo de amor". Aquí vos deixamos as fotografías dese día.

Visita de Andrea Maceiras

Esta mañá tivemos a visita de Andrea Maceiras na nosa biblioteca, autora da novela "Alma de elefante". O alumnado de 6º de primaria tivo o privilexio de intercambiar as súas impresións sobre este libro e coñecer máis fondamente a esta escritora. Deixámosvos aquí unha escolma de fotografías.