22 dic 2012

Lecturas Nadal 2012

     Esta é a guía que elaboramos desde o equipo de Dinamización da Biblioteca coas lecturas recomendadas para  o Nadal 2012. A ver si este ano, a pesar da crise, do paro e dos recortes, entre pais, avós, Papá Noel, os reis Magos e o Apalpador,  nos cae a todos algún libro. Que de ilusións tamén se vive... 
      E para estos días, que  moitos andaban a voltas co do fin do mundo ...  xa vedes que seguimos aquí, porque como dí Leodoro: "non se podía acabar o mundo, que me falta moito por ler!"


BO NADAL E BOS LIBROS!!!



----------------------------------------------------------------------------------------

A mesma guía elaborámola nun tríptico para que a levasen os nenos o derradeiro día de clase. 



2 dic 2012

LECTURAS DE MEDO



     Durante algunhas semanas do mes de novembro, nos recreos, algúns rapaces e rapazas de diversos cursos realizaron lecturas na biblioteca para os demáis. Os alumnos e alumnas de 1º e 2º ciclo acudiron a escoitar algunhas "Adiviñas monstruosas" de Gloria Sánchez; quen as acertaba recibía un pequeno agasallo.

     Os  maiores leron parágrafos escollidos previamente, de diversas novelas de terror: O conto "Non hai escapatoria" da obra "Non hai escapatoria e outros contos maravillosos" de Tim Bowlie, algúns contos da colección de Baia edicións "O baúl dos monstros", son algúns exemplos. A biblioteca estivo moi ben decorada para a ocasión, así que pasámolo de MEDO! (Nunca mellor dito).
  E aquí veredes como o pasamos!

20 nov 2012

LIBROS CENSURADOS E PROHIBIDOS

       A semana pasada conteivos a historia Malala, a nena pakistaní , tiroteada polos talibáns polo delito de escribir un blogue no que pide o dereito a educación para as nenas.
       Que unha nena sexa obxectivo a eliminar, indica o medo que lle teñen os intolerantes aos que teñen a capacidade de pensar por si mesmos e expresar as súas ideas.
       As ideas poden ser moi perigosas para algúns e sobre todo se están impresas nos libros. Ao longo da historia, temos exemplos de censuras e prohibicións. Podería parecer que a literatura infantil e xuvenil estaría fora das listas dos intolerantes e censores... pois non!
    
     Un día buscando material para os máis pequeniños atopei "LA LINEA", un "sinxelo"  contiño sobre as posibilidades tanto gráficas como motoras dunha simple liña. Entereime tamén de que ese libro fora considerado perigoso e subersivo pola dictadura arxentina ... e deume por buscar algo máis.

       











    
Esta é unha pequena escolla de libros que en algún momento foron incluidos en esas listas negras e os motivos que argumentaron os intolerantes. Sorprende ver os libros incluidos e aínda máis os motivos!





 E AGORA  VEREDES PORQUÉ A LIÑA É UN LIBRO SUBERSIVO  E PERIGOSO!!!




5 nov 2012

MALALA: UNHA HISTORIA DE MEDO E VALOR.

     Estamos no Samaín, no tempo dos medos, e esta que vos vou contar  é unha historia de medo: o medo que algunha xente lle ten a deixar que outros pensen pola súa conta,  o medo á cultura... o medo á liberdade. 
        Tamén é unha historia de valor, a historia de Malala Yusafzai ( ملاله یوسفزۍ) unha nena pakistaní de 14 anos que se atreveu a escribir un blogue contando a vida  no seu pobo,  onde os talibáns lle teñen prohibido ás nenas ir a escola....

        En octubre, cando voltaba da escola para casa con unhas amigas, Malala foi tiroteada por un talibán ... precisamente na cabeza, o instrumento que ela usa para loitar polo seu dereito a pensar e polo dereito a educación das nenas. A pesar das tremendas feridas, Malala non morreu e estase a recuperar lentamente nun hospital inglés, aínda que terá que ser operada moitas veces.
          
         Esperemos que a loita de Malala, o seu valor e coraxe, nos faga máis concientes da sorte que temos de nacer onde nacemos e  das oportunidades das que disfrutamos, xa que calquera de nós podía ser Malala. E por eso mismo temos a obriga de apoiar e axudar aos demais a alcanzar os plenos dereitos como persoas.
                                                   
                                                       PENSAR  NON  É  UN  DELITO !
                                           TER  DEREITO  A  APRENDER  TAMPOUCO!



 escolas de nenas con todo o material de que dispoñen...

Un pobo que non pode aprender a pensar será un pobo sometido. 
   Un libro pode ser unha arma moi poderosa: unha arma contra a ignorancia e a escravitude. 
       Por eso temos que encher as nosas cabezas de armas contra a ignorancia...
          Os ignorantes e intransixentes ténenlle tanto medo a unha nena de 14 anos que lle pegaron un tiro! 
                Si Malala pode, todos podemos!



unha escola de nenas
bombardeada polos talibáns
 
Malala cando foi tiroteada



31 oct 2012

O SAMAÍN E O MEDO

      Agora que estamos no tempo do Samaín (que outros chaman Halloween), e todos andamos á procura de historias de medo e poñendo cabazas medoñentas, arañas arrepiantes, esqueletes bailaríns e tremendas pantasmas... queremos compartir con vos unha curta de animación que fixeron desde política lingüística coa técnica do stop motion, sobre os medos que nos aterrorizan de pequenos e como os podemos controlar.
    Chámase "FIZ, O COLECCIONISTA DE MEDOS", e está basada no  libro de Fina Casalderrey e Teresa Lima de OQO EDITORA. 





E esta é unha presentación sobre o Samaín feita polo Ceip mestre goldar coa música de Mamá Cabra.





      Aquí vos poño un anaco da impresionante película de Tim Burton  "Pesadelo antes de Nadal": "Esto es Halloween!". Preciosa película, bonita música e  incrible técnica de animación na que vemos que incluso os monstros teñen o seu corazonciño!

Disfrutade dun  ratiño de medo!. E lembrade que os celtas, dos que procede esta antiga tradición das cabazas, o que poñían nas portas das casas eran os cranios dos seus inimigos!!!

25 oct 2012

Agustín Fernández Paz e GALIX

    O pasado xoves en Vigo, a Asociación Galega do Libro Infantil e Xuvenil GÁLIX  nomeou a Agustín Fernández Paz, Socio de Honra nun  emotivo acto no que se lle amosou un grande aprecio ao escritor por parte dos presentes e outros socios e socias de Gálix.
   
     Destacar a  Laudatio  escrita por Paz Raña Lama ,orientadora escolar, amiga e compañeira do autor durante moitos anos no ensino público,  así como a presentación do blog creado para o personaxe protagonista do conto inédito co que Agustín Fernández Paz agasallou a todos e todas as presentes (http://abrirasportas.blogaliza.org ).


     Os membros de Galix, dín que irán poñendo no seu blog http://www.oblogdegalix.blogspot.com.es/),  máis información  sobre todo o acontecido ese día para que perdure na memoria .

 Cito aquí algunhas das frases da laudatio escrita por Paz Raña:

  •  "Hai 10.950 días que te coñezo, os mesmos que tarda a Terra en describir 30 órbitas nun camiño elíptico rodeando o Sol...

  •  ... ese primeiro encontro foi no escenario do nacemento doutro movemento transformador, chamado de Renovación Pedagóxica. Rotunda e enérxica indignación de mozas e mozos que soñaban cambiar o mundo dende a escola, con armas tan subversivas coma o xiz, imprimindo constelacións na pizarra, os cadernos de notas sempre emborranchados, a imaxinación, ou as ideas solidarias..."  

  • "Foi un fogonazo de luz, un momento afortunado, una punción implacable e sagaz nos albores da democracia. O ensino pasou a ser algo importante, dun xeito diferente, novo e colectivo".

 Póñovos tamén aquí a frase de Agustín que abre o seu portal  na Biblioteca Virtual Cervantes:

 "Entrar nos libros é deixarse arrastrar por un bulebule de voces, de linguas, de cheiros, de paisaxes. Polas súas páxinas corren ríos de palabras que se nos ofrecen con xenerosidade para axudarnos a aprender o oficio de vivir, para cambiarnos a vida e implicarnos na transformación do mundo".A.F.P.

Así que ánimo e entrade nalgún dos libros de Agustín!



12 oct 2012

PREMIO NACIONAL Á EDITORIAL KALANDRAKA

     

     Queremos  desde o noso blog felicitar á  Editorial Kalandraka , que acaba de gañar o  Premio Nacional a Mellor Labor Editorial Cultural no ano 2012 "polo seu compromiso coa literatura infantil, destacando o coidado dos textos, xunto coa calidade da ilustración e a dedicación a xéneros máis complexos como a poesía".

      Na biblioteca temos moitos libros dispoñibles de esta editorial : picade aquí para consultar a lista .
      Nas pequenas bibliotecas de aula tamén temos moitos libros que, tanto polo seu contido, como pola calidade da ilustración, son os favoritos dos máis pequenos. Nesta captura de imaxe vedes algúns deles. 





5 oct 2012

A ÁRBORE DOS LIBROS LEIDOS

       Como actividade de inicio para este curso quixemos lembrar as nosas lecturas favoritas do verán. Así que  propuxemoslles aos nenos e nenas que, sobre a plantilla dunha folla decorada como máis lles gustase, escribisen xunto co seu nome e o autor, o título do libro que máis lles gustou no verán.
          
    A colaboración dos nenos  e nenas  foi todo un exito e as follas fóronse colgando na árbore que está na entrada do colexio, facendo aparecer ademáis todas as cores do outono...


Aquí vai unha pequena mostra dos centos de follas que nos están chegando á Biblioteca!
 




A ÁRBORE DOS LIBROS LEIDOS -

 Tantas follas chegaron que están a aparecer novas árbores polos corredores do colexio!




6 sept 2012

SAHARA - BUBISHER

clica agora!
        
        Acabamos de recibir unha carta e un diploma de parte da "Asociación de Escritores por el Sahara-Bubisher" que preside Gonzalo Moure (escritor que nos visitou durante o curso 2009-10) na que agradece ao noso cole a participación na campaña de aportación de libros destinados aos campamentos de refuxiados de Tindouf.    Unha bonita noticia para dar comezo a este novo curso. Agradecemos o diploma a nosa pequena colaboracion, pero o verdadeiro traballo realizano os voluntarios que atravesan o deserto para levarlles no seu bibliobus algo mais que libros: ILUSION. 



               
Un bibliobus cargado de libros e ilusions...

        Esperamos que as nenas e nenos dos campamentos disfruten  lendo tanto como todos nós. E desexamos que agora o BUBISHER, o paxaro da boa sorte , segun a tradicion arabe, lles traia eso, boa sorte para os pequenos lectores saharauis. 


                         



                             

 

23 ago 2012

BO E XENEROSO...


"Os bos e xenerosos
a nosa voz entenden
e con arroubo atenden
o noso ronco son..."


        Onte despedimos a Avelino Pousa Antelo, "un galego dos bos e xenerosos". Foi dos últimos representantes da xeración das Mocidades Galeguistas, os máis novos participantes do movemento galeguista previo á guerra civil.   Avelino, foi  mestre, agrarista, político e escritor, e tamén pai, avó e veciño ... os seus 98 anos  de vida son un exemplo de vida para todos.
       Durante  case un século  amou á  Galicia  e tratou de facela mellor con entusiasmo de rapaz e a enerxía dos que son capaces de ver máis alá.
       Foi mestre de profesión e de corazón ( recordo unha emotiva e reivindicativa conferencia sobre as escolas unitarias onde mesturaba dous dos seus amores: a educación e o campo). 
       A familia foi tamén o eixo da súa vida e desde aquí lles mando todo o noso cariño e apoio



escoitemos nas súas propias palabras porque comezou a escribir:



en tódalas facetas da súa vida foi un home comprometido e tamén entusiasta e divertido



sempre terá un lugar na Historia de Galicia e na memoria e os corazóns de todos os que o coñecemos



Transcribo aquí a homenaxe que lle fixeron na Asociación de escritores en lingua galega (AELG) cando cumpleu 90 anos 

http://www.aelg.org/activ/18092004/laudatio.htm
http://www.aelg.org/activ/18092004.htm





5 jul 2012

RECUPERADO O CÓDICE CALIXTINO !!!

       Que mellor noticia que esta para irnos de vacacións!!!. Todos os que amamos os libros estamos de noraboa xa  que, despois das investigacións da Policía e da Garda Civil , hoxe  foi recuperado o Códice Calixtino, roubado fai un ano da Catedral de Santiago. Atopouse aquí ao ladiño, nun garaxe  do Milladoiro, envolto en plásticos e parece que en bó estado a pesar das condicións en que estaba.       
       A investigación, efectuada pola Brigada de Patrimonio Histórico da Comisaría Xeral de Policía Xudicial, coa Comisaría Local de Santiago de Compostela e especialistas de Policía Científica , aínda continúa aberta e desde aquí damoslles as grazas a todos estos funcionarios, polo seu esforzos para atopar un libro que é patrimonio de todos... un anaco da nosa Historia.














  

      O Códice está integrado por cinco libros de temática variada pero cun só obxectivo, enxalzar a figura do Apóstolo Santiago. Está datado no século XII. O máis coñecido e traducido é o último, xa que supón unha guía para o peregrino do Camiño Francés a Santiago, e describe o percorrido da ruta, os seus pobos e cidades, as súas xentes e costumes, os santuarios que deben visitarse e como debe tratarse ao peregrino. Tamén se recuperaron outros obxectos e libros relixiosos antigos, entre eles un dos Libros das Horas, que son textos únicos de rezos e salmos da Idade Media.


      
       Sin entrar nos motivos do roubo, a ignorancia ou a cobiza, si para algo pode servir este episodio sería para que tomemos conciencia da necesidade de respectar e custodiar o noso Patrimonio, o que non nos pertence só a nós, xa que o recibimos dos nosos devanceiros e temos a obriga de preservalo para as xeracións que nos seguirán.
    
       E a mellor maneira de preservar o noso Patrimonio  é coñecelo desde pequenos, estudar as épocas e as xentes que o fixeron,  que  escribiron, cantaron, e construiron o noso pasado:  saber quen fumos para saber quen somos.


BÓ  VERÁN  E   DISFRUTADE   DOS   LIBROS !


28 jun 2012

CONTACONTOS

   
      Nos derradeiros días do curso, contamos coa colaboración de Carla Capeáns, de NCC teatro que realizou sendas sesións de contacontos para o alumnado de 1º e 2º de primaria. A actividade tivo moito éxito, e os pequenos disfrutaron coa actuación de Carla, como se pode apreciar nas fotografías.




27 may 2012

nóstaméncreamos!


clicar en crtvg

        Ao longo deste curso os alumnos/as das tres clases  de 5 anos e unha de cuarto de primaria estiveron a participar na elaboración de  películas de dibuxos animados.

         Tratábase dunha actividade para a promoción da ligua galega. Nos tamén creamos! é unha iniciativa promovida pola Secretaría Xeral de Política Lingüística e a dirección Xeral de educación en colaboración co CRTV Galega e a editora OQO. A partir dos álbumes publicados por OQO editora, os nenos crearon unha animación audiovisual en stop motion.

    Fixeron catro películas de dibuxos animados. Os de infantil escolleron os contos “SOPA DE NADA”, “QUE SUSTO CARACOL” e “NAVEGA CARACOL”  e os de 4º de primaria "A GUERRA DOS NÚMEROS". Despois de ler os contos e asimilalos, comezaron o proceso de facer unha película.  Explicouselle aos máis pequenos como se facían as primeiras películas de dibuxos (dibuxando e pintando fotograma a fotograma!).


  
    Despois pasaron a ver a técnica do stop motion, que consiste en fotografar paso a paso, tódolos fotogramas da escena, para darlle sensación de movemento.  Armáronse de cámaras, trípodes e moita paciencia e comezaron entón a fotografar:    24 fotos para conseguir ter só un segundo de   animación! . Tendo en conta que cada clase ten 25 técnicos de animación, 25 ilustradores, 25 guionistas, 25 críticos... non sei si podedes imaxinar o traballiño que lles dou !  
  
      






    
          
      
    Logo traballaron con todas as fotos nos programas de stop motion Monkey Jam e Imovie que por suposto, como todas as cousas, funcionaban cando querían e fallaban cando lles parecía… 

     E para rematar, montaron todas as escenas co Movie Maker, grabaron os audios do conto  co Audacity e puxéronlle  música:

XA TIÑAN UNHA PELÍCULA DE DIBUXOS ANIMADOS!!!

   O resultado pode verse na canle infantil da CRTVG,e alí tamén están as curtas feitas polos alumnos de outros coles. 
clicar para entar na canle da rtvg
----------------------------------------------------------------------------------------
E... de fantástico remate, Gonzalo "Darabuc" o autor de "Sopa de nada", púxonos un comentario (podedes velo na entrada anterior sobre a Exposición das portadas). Tamén lles mandou varios correos aos nenos e nenas de cinco anos que traballaron co seu conto. Imaxinade o entusiasmo dos pequenos: un autor que lles escribe!. E ademáis puxo a película no seu blog. Desde aquí  repetimoslle o noso agradecemento!.



  

17 may 2012

EXPOSICIÓN DE PORTADAS

       Para conmemorar o día do libro que se celebrou o pasado 23 de abril, pedíramoslles aos nenos de todo o colexio que participasen CREANDO UNHA PORTADA para un conto inventado.

       Antes tíñamos que analizar as partes materiais dun libro: portada, contraportada, lombo, título, capítulo, garda, índice, limiar etc ... Despois  vimos que ademais do escritor son moi importantes o ilustrador e a editorial para facer un producto interesante e aínda que non se debería xulgar un libro pola súa portada, sí que é un elemento decisivo á hora de escollelo.

       
        Os de infantil tiveron temática libre para realizar as portadas e os de primaria axustaronse ao lema deste curso que era "Unha meta a acadar: saúde e benestar". Agora tódolos traballos xa están  expostos na Biblioteca e polos corredores.

     Así que todos nos puxemos á tarefa de ilustración e comezamos a diseñar as portadas. Ademáis veredes que engadiron elementos coma os códigos de barras,  o prezo...    

      Agradecemos a súa participación a tódolos nenos e titores que colaboraron na creación das ilustracións. Como veredes foron moitísimos, desde os máis pequeniños de 3 anos ata o 3º ciclo. En esta presentación podedes ver unha pequena mostra da exposición:

 buscade a vosa portada! 



   

29 abr 2012

FEIRA DO LIBRO

       Hoxe, no paseo central da Alameda, arrancou a  XXXI edición da Feira do Libro de Santiago onde estará instalada ata o vindeiro  6 de maio.

       Os discursos inaugurais na presentación da feira estiveron a cargo do escritor Víctor Freixanes e o alcalde de Santiago Ángel Currás e participaron membros da Asociación do Traxe Galego.

      A feira estará aberta en horario de 12.00 a 14.00 horas  e de 17.30 a 21.00, prolongándose media hora máis os fins de semana e festivos. Durante a feria as casetas, coma sempre, ofrecerán ao público os libros con un 10% de desconto e unha serie de actividades lúdicas que se desenvoverán no Paseo da Alameda, baixo unha carpa. (Espero que  fose  o bastante resistente para soportar a treboada que caeu pola tarde).
    
    Do programa de actividades destácovos as adicadas a un público máis infantil e xuvenil:

  • este domingo as 18:00 horas teredes un obradoiro de contacontos a cargo de Boniface Ofogo narrador senegales que asinara o seu libro "O león Kandinga" editado por Kalandraka.
  • tamén este domingo ás 19:00 presentaranse as novidades editoriais: "o renacer da literatura fantástica en galego" a cargo de Urco Editora e Contos Estranos Editora. Os aficionados ao fantástico botade un ollo,  xa que por alí andaba hoxe o escritor  Fernando Cimadevila co seu libro "O mundo secreto de Basilius Hoffman. O ladrón de soños" 
  • o luns as 19:00 presentarase o libro 100 anos do himno de Galicia coa participación do escritor Xosé Neira Vilas que ao remate asinará exemplares da súa obra
  •  o martes  as 18:00 horas teñen previsto un obradoiro de baile e xogos tradicionais con Cantigas e agarimos
  • o xoves as 18:00 Monicreques Cascanoces amosará "un conto de sempre".
  • o venres as 18:00o mesmo grupo representará "o pequeno cabaret dos tolos"
  • o sábado as 12:30 presentarase a colección "Cociña infantil e familiar" da editorial Ouvirmos con cursos de cociña pola mañán e a tarde.
  • domingo ás 18:00 Paula Carballeira e un representante de Kalandraka presentan o seu album "O principio"  unha historia de guerra e esperanza ilustrado por Sonja Danowski. 
A Leodoro picoulle a curiosidade, coma ao gato, e xa foi dar unha volta pola feira e veu cousas moi interesantes!. Pasade vos tamén , que sempre se pode facer un oco para un novo libro.