27 dic 2013

GUÍA DE LECTURAS PARA O NADAL


  
guia Nadal 2013
Desde o Equipo da Biblioteca elaboramos esta guía de lecturas de Nadal en formato tríptico  que os nenos xa levaron a casa antes das vacacións. En ela facemos unha serie de recomendacións lectoras que nos pareceron interesantes para os máis pequenos e tamén para os rapaces maiores e os adultos. Son recomendacións para mentes curiosas, para disfrutar en familia, para mergullarse nos relato, para disfrutar coas ilustracións e para recitar e cantar.
      Si sempre é unha boa ocasión para mercar un libro, agora no Nadal lembrade que un libro sempre é un bo agasallo, que fala tanto do que o recibe coma do que o regala... (ademáis non precisa pilas nin cargarse, agás que sexa dixital...) . Esperamos que disfrutedes con eles!
clicar para ver a guía de Nadal
  E, por suposto, se queredes ver outras guías, este é o enlace  co PLAMBE no que están todas as guías elaboradas polos equipos das Bibliotecas escolares : CLICAR AQUÍ

7 dic 2013

NELSON MANDELA

     
NELSON MANDELA
Unha pequena homenaxe a NELSON MANDELA:  un gran home, un gran lider e loitador incansable polos Dereitos Humanos que despois de permanecer na cadea durante 27 anos foi quen de perdoar e de unir a un pobo devastado polo apartheid, ata conseguir unha democracia multirracial en Sudáfrica baixo o lema "un pobo, unha nación". No ano 1993 consigueu o Premio Nobel da Paz e foi presidente do seu país loitando sempre pola reconciliación nacional.

    
   



  Desde a Biblioteca queremos lembrar algunhas das súas frases máis coñecidas, como esta: 


“A EDUCACIÓN  E A ARMA MÁIS PODEROSA QUE PODES ESCOLLER PARA CAMBIAR  O  MUNDO” 


CLICA AQUÍ

5 nov 2013

EXPOSAMAÍN NA MAÍA 2013

   
      Debido a gran participación por parte de todos (pais, nais, alumnos e profes) hoxe teño que poñer aquí  unha nova mostra, moito máis completa, da EXPOSICIÓN DO SAMAÍN. Tedes dúas novas presentacións que incluen as novedades que siguen a chegar das casas e tamén as que se van facendo nas clases sobre o CASTAÑON do Magosto. De estas actividades, suxeridas polo equipo de Dinamización Extraescolar, aínda engadiremos máis fotos nos próximos días... (na entrada anterior tedes máis fotos para buscar o voso traballo)
    

 Gracias a todos pola colaboración: participando gañamos todos!  

(clica nos títulos para velos desde o principio)

 


3 nov 2013

EXPOSICIÓN DO SAMAÍN

     
        Neste curso fíxose unha exposición de cabazas   do Samaín, monecos de millo, xoiería  de castañas e todo o que dira de sí a imaxinación e os materiais da tempada. A proposta parteu do equipo de dinamización de extraescolares.
     
     Por unha banda, nas clases elaboráronse máscaras con froitos e follas de cara ao magosto e, por outra banda, tamén se lles pediu aos pais e nais que colaborasen cos seus fillos no concurso e, coma cada ano, o resultado é impresionante.
        Nas entradas dos edificios de infantil e primaria están os resultados do esforzo realizado desde as clases e desde as familias e nestas presentacións veredes unha mostra dos traballos. 
    Vendo as dúas exposicións non temos máis que repetir as gracias pola  colaboración,  alta participación, imaxinación e orixinalidade!


   Nesta presentación están incluidos os traballos de aula referentes a productos de outono e ao Magosto  e tamén os traballos feitos nas casa coa colaboración familiar.


MIGUELANXO PRADO PREMIO NACIONAL DE COMIC 2013



     Miguelanxo Prado  (máis) , nado na Coruña en 1958, é o novo Premio Nacional do Comic de 2013 concedido polo Ministerio de Cultura pola súa obra "ARDALÉN". 
   Se queredes saber máis de Miguelanxo Prado clicade aquí (saber máis) para entrar na súa páxina onde teredes acceso a obra deste artista polifacético e internacional: banda deseñada (Os compañeiros da orde da pedra, A mansión dos Pampín...), pintura, animación (De profundis, Men in Black...), Xabarín  etc... 
    
     Según el mesmo dí  "Sabela, a protagonista de Ardalén,  coñece a  Fidel, un ancián que ven sendo o único contacto co seu avó desaparecido. Pero a cabeza de Fidel é un caixón desordenado e así, pouco a pouco, vanse tecendo a escasa memoria herdada de Sabela coa memoria desordenada de Fidel e coas memorias parciais dos veciños da aldea onde vive o vello.  Nesas memorias ademáis de datos, hai gardados sentimentos:  de amor, de compañeirismo e amizade, de odios e de rancores. Recordar non é inocuo pero quen non recorda non vive".  "Ardalén" é unha historia arredor da memoria persoal. A memoria como esencia da nosa existencia, da percepción da nosa propia vida, da nosa identidade. Pode soar filosófico pero, ao final, trátase dun grupo de seres humanos que se axudan e se mancan uns aos outros, algúns chegan a quererse e todos se aferran aos seus recordos para intentar evitar o naufraxio" (Miguelanxo Prado)

Aquí tedes a portada de Ardalén (editado por Norma) e un par das fermosas ilustracións que contén:
 


1 nov 2013

DIA DAS BIBLIOTECAS ESCOLARES NA MAÍA

  
    A semana pasada celebramos nos colexios o DÍA DAS BIBLIOTECAS ESCOLARES. 
Foi o 24 de outubro. Desde a Biblioteca propuxémoslles aos tutores que os nenos realizaran  un traballo nas clases:  escoller e dibuxar os seus personaxes favoritos. Logo recolléronse todos os dibuxos  e colgáronse en murais polos corredores da Biblioteca. Aínda nos faltan algúns por poñer!

      Foi "unha viaxe ao interior dos libros a través dos seus personaxes" e aquí están algúns dos traballos dos alumnos e alumnas. Esta vez  foron eles os ilustradores dos seus libros favoritos...

 

20 oct 2013

PRIMEIROS DÍAS NA BIBLIOTECA

      Aínda que xa estamos a mediados de outubro non temos moitas entradas polos mesmos motivos de sempre: pouco tempo para coordinarnos os membros do equipo da Biblioteca, coa dificultade engadida de ter dous edificios separados... pero bueno, hoxe queremos compartir con vos unhas imaxes dos primeiros días. En elas están reflectidas algunhas das actividades nas que se lle presenta a Biblioteca aos novos usuarios así como as normas de uso da Biblioteca e os distintos espazos e tamén se comezan a coordinar os equipos de colaboradores para os recreos...


Click to play this Smilebox slideshow

10 oct 2013

Manuel Álvarez Torneiro

  
      Manuel Álvarez Torneiro  xornalista e poeta galego nado na Coruña no ano 1932  acaba de ser galardonado co Premio Nacional de Poesía    pola súa obra  "Os ángulos da brasa" publicado pola Factoría K de Kalandraka. Este premio, que está concedido polo Ministerio  de Educación, Cultura y Deporte é a primeira vez que e concedido a un poeta galego. O libro  “Os ángulos da brasa” xa tiña recibido o pasado ano o Premio de la Crítica Española e o  Premio Ánxel Casal de Poesía da Asociación Galega de Editores así coma tamén o Premio da Asociación de Escritores en Lingua Galega 2013.

     Para saber máis  sobre Manuel Álvarez Torneiro clicade AQUÍ para entrar na Biblioteca Virtual Galega: atoparedes a  súa autobiografía, obras e novidades.

     Tamén vos poño esta breve presentación para saber máis sobre o poeta premiado.

25 jul 2013

GALICIA ENTEIRA CHORA EN ANGROIS

Non hai palabras abondo para describir o que está a pasar,
nin collerían en todos os libros do mundo as que quereríamos decir,
Só nos queda acompañar ás familias e aos amigos na súa dor,
Só nos queda lembrar ás vítimas, non esquecelas nunca, mirar cara adiante e vivir por eles,  xa que ninguén morre de todo nos corazóns dos que os quixeron tanto.
Só queda aprender dos feitos e correxir o que teñamos que correxir para que nunca se repitan momentos de tanta dor ...

1 jul 2013

BOAS VACACIÓNS E MOITOS LIBROS!

   
   Rematou o curso e  pechamos a Biblioteca de momento, pero só hasta setembro, cando todos volveremos coas pilas cargadas... e as maletas cheas de libros e ideas. Disfrutade e aproveitade as vacacións. Lede moito e lede ben. E se atopades libros interesantes non dudedes e mandarlle un correo a Leodoro!.

      Tamén quero despedir aquí a un compañeiro do Equipo que nos deixa para irse a outro colexio. Boa sorte Fran!. E boa sorte aos alumnos e alumnas de 6º, que nos deixan para comenzar unha nova etapa no Instituto. Sorte  e libros!


 

25 jun 2013

COLABORADORES DA BIBLIOTECA

    Queremos agradecer aos seguintes alumnos e alumnas de 3º ciclo a axuda prestada na biblioteca durante os recreos do curso escolar que acaba de rematar.  Nas fotos aparecen cos diplomas que acreditan a súa participación nas actividades da Biblioteca.

Moitas gracias pola vosa colaboración!





Agustina Itoiz Patiño---Ainhoa Pazos Dacuña---Alba Martínez García   

Alba Varela  Lestón ---Alba Vázquez Rodríguez---Alicia Revilla Marnotes     

Álvaro Rodiles Lago--- Ana Enríquez Lage---Andrea Riveiro  Dios                     

Ángela Alborés Domínguez---Ariadna Ebra González---Blanca Pérez  Fernández      

Carla Novoa  Ramos---Carla Pereira Iglesias---Carlo Signiorini Coto

Carmen Valiño Rivera ---David Cebro Vega ---Elena Martínez Antelo    

Elisa Viz Lemos---Eva Santamaría  Criado---Inés Ramos Gey                             

Inés Vieiro Fernández ---Alejandra Baliña Abad ---Irene Sanluis Nieto 
iria Mugico  Pineiro ---  Juan E. Rijo Abalo--- Juan Tomás Fernandes González 
Judith Lamas  Martínez ---Laura Nieto Barrio Leire Gallego  Portabales 
Lizaida Carrillo Balsa---Mara Cernadas Blanco---Marcela Pazos Castro 
María Figueiredo Caamaño ---María Iglesias Vicente ---Mario Vidal Fariñas 
Martina Flores Sardella ---Mayte Pellegrino Vignolo---Miguel Caamaño Gonzálvez Miguel Ferro  Varela ---Naomi Martín Núñez---Nerea Quintás Iglesias
Noelia Canda Pazos ---Noelia Liduino Beiras---Pablo García Grañas 
Paula Muelas Ferreiro --- Paula Pan Vilanova---Raúl Paz Gutiérrez
Rosa Vega Vega --- Sara Picos Gómez---Sara Vázquez Tourís 
Sheila Vega Vega ----Xiana García Antelo                            


LIBERANDO LIBROS NA MAÍA

        O venres rematamos o colexio, coa IV GRAN LIBERACIÓN MUNDIAL DE LIBROS, unha actividade recollida na rede na que participamos con algúns dos libros da Biblioteca. Deixamos  no portalón do colexio unha mesa cos libros e coas as instruccións para liberalos nas que indicábamos que o libro  forma parte de "OClub dos Libros Perdidos". 
     Para seguir coa actividade, despois de leelo, escribide unha dedicatoria e indicade cando e onde o deixades para continuar a cadea de lectura. Así, en cada liberación sera posible saber por onde viaxou.

 APROVEITADE AS VACACIÓNS PARA LIBERAR OS LIBROS NOS SITIOS ONDE VIAXEDES.


LIBROS LIBRES
 

20 jun 2013

CUARTA GRAN LIBERACIÓN DE LIBROS MUNDIAL !

  

MAÑÁN: PRÓXIMA CITA PARA LIBERAR OU "SEMENTAR" LIBROS 


  A través do Plambe e desde os compañeiros da  Bibliotecaespedregada,  chéganos esta proposta que queremos compartir por si vos apetece participar:





       A idea é "liberar" (deixar) un libro nun espazo público (farmacia, mercado, bar, transporte público, nun banco da plaza, cine, museo, etc...). Poden participar todos aqueles que o desexen liberando un libro este 21 de xuño de 2013 no lugar onde vivan ou se atopen nese momento.

      Para participar, deixa un libro nun espazo público cunha dedicatoria nunha das súas páxinas que indique:

- Que o libro forma parte de "OClub dos Libros Perdidos".
- Que é de quen o atope, pero que ao finalizar a súa lectura deberá ser liberado, para que poida ser gozado por outras persoas novamente.
- O día e o lugar onde foi perdido, así en cada liberación sera posible saber por onde viaxou.

   ¡Moitas grazas por participar desta liberación de libros  e compartir a iniciativa cos teus amigos!

    Engadimos unha suxestión:  xa que mañan comezan as vacacións, liberade o libro no primeiro lugar ao que viaxedes para que tamén o libro viaxe ... 
   

    
   

12 jun 2013

CRONOPIOS LECTORES

   Este sábado abreu nas rúas de Santiago unha nova librería (cronopios). O local está en Alfredo Brañas. Nos tempos que corren sorprende a valentía de iniciar unha aventura empresarial e sorprende máis aínda o valor de que esta aventura sexa "vender libros".     Desexámoslles "sorte e libros!"    
    Nunha cidade na que pecharon librerías históricas que foron emblemáticas para os nosos pais e para moitos de nós coma González ou Galí ... é de agradecer que alguén se atreva a inaugurar un negocio de este tipo. Os libros destacan dentro dun local claro e luminoso no que me gustou sobre todo o recanto dedicado á literatura infantil e xuvenil, no que os rapaces atoparán moitos dos seus  favoritos baixo unhas nubes que lle dán un aquel especial, como de estar voando nun ceo de imaxinación. De feito chamoume a atención un pequeno que, mentras curioseabamos e falábamos de instalacións, editoriais e libros... estaba sentado no chan  sumerxido totalmente no que estaba a ler. 
          Póñovos aquí un enlace no que tamén podedes consultar os seus fondos: clicade aquí




embarcados na aventura dos libros...








8 jun 2013

GUÍA DE LECTURAS PARA O VERÁN

     Desde o Equipo de Dinamización da Biblioteca elaboramos esta guía de lecturas recomendadas para o verán. Esperamos que vos gusten e as disfrutedes.
      Lembrade que calquer momento e calquer sitio son axeitados para coller un libro: deitados na praia, baixo a sombra dos piñeiros, nun banco da praza, á beira da piscina ... ou tirados no sofá. Non importa o sitio, o importante é coller un libro e entrar na historia que nos conta.
 
     
     E, os adultos, lembremos que a mellor animación á lectura somos nós: cando os nenos nos ven coller un libro cada día, somos o mellor exemplo. Unha das cousas máis bonitas que vemos os mestres é cando os pequenos abren os ollos díante dunha nova historia que ven nos libros. Se ven que disfrutamos lendo, eles farán o mesmo. Disfrutando e sen prisas... Transmitir este entusiasmo e curiosidade polo saber é a mellor herdanza que podemos darlles.  É, ademáis, unha cousa na que, sobre todo en estos momentos, non podemos recortar nin permitir que nos recorten, xa que tan básico como alimentar o corpo é alimentar o pensamento e as ganas de saber e aprender... xa que esto será o que nos dé recursos para enfrontarnos ao futuro.
   
       Así que, veña,  collede un libro ... ou  mellor unha  ducia , e a disfrutar de un verán lector!


     

3 jun 2013

5 DE XUÑO DÍA DO MEDIO AMBIENTE

     Coa intención de conmemorar o 5 de Xuño, o Día do Medioambiente    o Equipo de Dinamización da biblioteca  elaborou esta guía de lecturas.

29 may 2013

O MERCADILLO SOLIDARIO

     Este foi o proceso seguido na realización do mercadillo solidario que fixemos no colexio con motivo do Día do libro. Repetimos o  agradecemento a todos aqueles que participaron, tanto na montaxe como aportando o material escolar.


12 may 2013

MERCADILLO SOLIDARIO

  


     En esta ocasión a noticia fomos nós, xa que O correo galego na  sección de Terras de Santiago  sacou o noso mercadillo solidario tanto en papel como na edición dixital. Unha idea solidaria compartida por moitas Bibliotecas do Plambe. 
     Como xa vos dixeramos en estas mesmas páxinas o mercadillo   foi un éxito tanto de participación como de aportación de material escolar, que xa foi entregado a Cáritas Bertamiráns.
     Repetimos as gracias a todos os que colaboraron e esperamos que o material conseguido sirva de apoio ás familias que o necesitan.  Tamén esperamos que os nenos disfruten cos libros que "mercaron". 

9 may 2013

FRANCESCO TONUCCI EN SANTIAGO

   
     O martes, case 400 mestres estivemos na Cidade da Cultura escoitando a  FRANCESCO TONUCCI, mestre, pedagogo e un dos máis importantes investigadores sobre a educación. 
     Subimos hasta o Gaiás a pesar do vendaval que zoaba con forza, xa que esperabamos oir de novo as propostas de Tonucci e da súa outra personalidade, o debuxante FRATO. Ideas e propostas que nos parecen sempre fantásticas e que aínda a estas alturas a moitos lles poden parecer utópicas.... Certamente son útópicas, porque non só implican un cambio na escola senón na sociedade, pero as ideas de Tonucci, expresadas ao seu xeito suave son, con todo, fortes coma o vento que zoaba fora e calan igual que a choiva que nos acompañou toda a tarde...
   
      
     Ao longo da charla falou dunha escola desexada por todos, unha escola de todos e para todos, sen exclusións, que non alimente as diferencias, unha escola que prepare aos nenos para a vida, pero non dun xeito competitivo senon para que sexan felices no que son máis competentes. Unha escola que faga nenos que disfruten coa lectura e non nenos que só dominen a mecánica da lectura.  Falou do xeito en que se traballa nas escolas e do cambio que precisan, da importancia do xogo para desenvolver a personalidade dos pequenos e da necesidade de adaptar as escolas ( incluso comos espazos físicos...) tendo en conta ritmos, habilidades, necesidades e intereses...

    Tamén nos recordou o poema " as cen linguaxes do neno" de Loris Malagucci e finalmente citou a Plutarco que xa decía: os alumnos non son vasos baleiros "que temos que encher" senón "unha chama que hai que prender".

      
 


     Falou das dificultades coas que se atopa a escola e os mestres, das sucesivas Leis de educación, do uso competitivo e productor de "efectivos útiles para o mercado laboral" no que se pretende convertir á escola ... e a pesar de todo, despois de escoitar a Tonucci,  finalmente veume á cabeza unha frase que se dí moito nestes momentos de crise:   SÍ SE PODE ! 

      


      Só para ir reflexionando sobre elas, cito aquí algunhas  das frases de Tonucci acompañadas de uns cuantos dos seus debuxos como Frato que fun lembrando despois de escoitalo.