PREMIO HANS CHRISTIAN ANDERSEN



páxina da escritora



       Acaba de fallarse estos días en Basilea   o Premio Hans Christian Andersen,  o recoñecemento máis importante a nivel mundial dentro do xénero da literatura infantil e xuvenil. Lembramos que Agustín Fernández Paz  era o candidato de España para o que se considera o Nobel da Literatura Infantil e Xuvenil

        Concedeuselle á escritora arxentina  María Teresa Andruetto.
O premio entrégase cada dous anos a un escritor e a un ilustrador, cuxos traballos completos fagan unha contribución fundamental ao campo da literatura infantil e xuvenil. O premio deriva do nome do escritor danés Hans Christian Andersen e os gañadores reciben unha medalla de ouro e un diploma das mans da raiña de Dinamarca.

 

         A construción da identidade individual e social, as secuelas da ditadura en Arxentina e o universo feminino son algúns dos eixos da súa obra. A  escritora, traballou na formación de mestres, fundou centros de estudo e revistas especializadas en literatura infantil, dirixiu coleccións e participou en plans de lectura. Cunha traxectoria de 30 anos, Andruetto é profesora invitada en numerosos espazos de formación , e expositora en congresos, seminarios, feiras e xornadas, no país e o estranxeiro.

      Está asimesmo  incluída na Lista de Honra de IBBY -organización internacional que fomenta o entendemento entre nacións a través da literatura infantil-; e, en 2009, recibiu o Premio Iberoamericano SM de Literatura Infantil que tamén gañaron  os galegos Agustín Fernández Paz no ano 2011 e  Xoan Farias no ano 2005.

      Andruetto é autora de contos infantís como "A nena, o corazón e a casa", "Solgo", "A dormente", "Campión", "O incendio", "Auga Cero", "Trens. Unha historia de amor para nenos" e "A árbore de lilas". Entre as súas novelas xuvenís, figuran "Veladuras", "O país de Juan", "Benjamino", "A muller vampiro", "Stefano", "Pegadas na area" e "O anel encantado".

      Os seus libros, publicados por Edelvives, Suramericana - Random House Mondadori, Alfaguara e outras editoriais prestixiosas, son materia de estudo en universidades nacionais, americanas e europeas. 

Outros premios da autora son:

Premio Novela do Fondo Nacional das Artes

Premio Novela Luis de Tejeda

Premio Internacional doCuento Terra Ignota

Lista de Honra de IBBY

Finalista do Premio Sent Sovi/Ediciones Destino

Finalista Premio Clarín de Novela

White Ravens da Internationale Jugendbibliothek

Asociación de Literatura Infantil y Juvenil Argentina.

VISITA DE ALICIA BORRÁS

     O pasado luns 12 de marzo visitou o colexio a escritora viguesa  Alicia Borrás Sanjurjo (clica aquí para ver máis ).

     Comparteu cos alumos de 5º e 6 de primaria e os seus titores as súas experiencias como escritora, os seus inicios, plans de futuro e falou sobre o seu libro "NATA  Y CHOCOLATE" editado por Anaya, da colección Sopa de Libros.                

     

     Mostrouse moi cercana e simpática  neste encontro  e falaron sobre a protagonista da historia, Sonia, unha nena calada, triste e solitaria e o acoso escolar ao que se ve sometida polos seus compañeiros... Os rapaces amosáronlle os traballos que fixeron sobre o libro e decoraron o escenario cos seus dibuxos. Como remate asinoulle o libro a todos os nenos e un para o cole.

RESEÑAS

      Hoxe queríavos recomendar dous libros de autores galegos que acaban de ser incluidos na prestixiosa lista The White Ravens, recopilada cada ano por unha biblioteca especializada en literatura infantil y juvenil de Múnich e que se considera unha referencia neste ámbito. A lista selecciona, de entre os miles de libros publicados cada ano, 250 infantis e xuvenis editados en máis de 30 idiomas e procedentes de 50 países. Trátase dos álbumes  Zimbo, da editora OQO, e A viaxe de Olaf, de Kalandraka.

     Na edición do ano pasado tamén incluiron outros dous libros galegos : Contos para nenos que dormen deseguida, de Pinto & Chinto (Kalandraka), e O pintor do sombreiro de malvas, escrito por Marcos Calveiro (Xerais) e ilustrado por Ramón Trigo.

 A VIAXE DE OLAF

  Un álbum cheo de colorido, un fermoso canto á amizade protagonizado por unha sorte de principiño que, farto da soidade, inicia unha viaxe na procura de novos horizontes e de compaña. Tras partir do seu pequeno planeta, Olaf xúntase a diversos animais fantásticos nunha travesía de inspiración acumulativa e circular tan propia dos contos infantís.  A oralidade e musicalidade da historia remárcanse polo tratamento visual do texto e polo uso de patróns comúns nestas fábulas, como son as rimas, os xogos de contrarios, os diálogos reiterativos -«Vés conmigo?, preguntou. E como non dixo que non...»

ZIMBO

   

      Unha emotiva historia que fala das ansias de liberdade e emancipación, pero tamén da dor da perda e de deixar marchar do noso carón ás persoas que amamos. No fermoso álbum, un monicreque ansía cortar os seus fíos para tomar as rendas da súa propia vida, a pesar de que sabe que a liberdade privaríao desa gaiola de ouro que supón o agarimo e os coidados do seu creador. As láminas iniciais en branco e negro dan paso a unha explosión de cor.

SALÓN DO LIBRO INFANTIL E XUVENIL

 

entra



       

        "Do 4 ao 31 de marzo de 2012, desenvolverase en Pontevedra unha nova edición do Salón do Libro Infantil e Xuvenil. Este proxecto cultural que comezou a andar no ano 2000, constitúe unha das pezas máis prezadas da programación anual do Concello de Pontevedra. O Salón do Libro segue a ser un espazo marabilloso, creado grazas a implicación de moitas persoas que, coma vós, adicades parte do voso tempo a que esta sexa unha realidade que poder amosar orgullosos e orgullosas á cidadanía en xeral e aos nenos e nenas en particular.
          Este ano o Salón indagará nas supersticións; de onde  veñen estas crenzas, na importancia dos números nos contos, na boa e mala sorte e nas historias dos nosos maiores e como se trasladan á literatura infantil.

          Ao igual ca noutras edicións, ademais da programación específica no Pazo da Cultura, o Salón volverá sair ás rúas de Pontevedra para celebrar roteiros e actividades de animación, que se intensifican cos pasarrúas polo centro histórico de Troula, Buqueiras Novo e Os Bolechas.
              No Salón hai programación concertada e aberta para todos os públicos, dende os bebés ata os máis maiores que contan cunha programación específica teatral, coloquios e conferencias. Ademais todas as semanas haberá presentacións de libros por parte de editorias.
         Este ano por primeira vez haberá xogos tradicionais no recinto feiral impartidos pola Asociación Galega de Xogos Tradicionais, asi como cun aberto de billarda, no que poderán participar todos os que o desexen".

Clica para entrar na páxina do Salón e seguir a ver as súas propostas...

Visita de Alicia Borrás Sanjurjo

      A visita

     

     O vindeiro luns 12 de marzo esperamos a visita da escritora Alicia Borrás Sanjurjo, autora do libro “Nata y Chocolate” na Ed. Anaya, da colección Sopa de Libros. A autora viguesa conversará co alumnado de 5º e 6º de primaria sobre a protagonista da historia, Sonia e o acoso escolar; e tamén sobre a súa faceta literaria, os seus inicios, plans de futuro…

                                                                 A autora

      Alicia Borrás Sanjurjo traballa como actriz de televisión e de dobraxe. Ademais, imparte clases de interpretación e talleres de teatro para cativos e adultos. Vive rodeada de nenos, aos que di entender mellor que aos adultos, e lle serven de inspiración para as súas novelas. Moita da súa obra mantén a relación coas narracións populares transmitidas de xeito oral de xeración en xeración (como a obra “O mar é noso” na Ed. Galaxia, que é unha colección de relatos breves)  e outras saen directamente da tradición folclórica (como o libro de adiviñas "Quen son?", que podedes pedir na Biblioteca do cole). A maior parte da súa obra  está dirixida  cara o público infantil a través de contos e poesía, como "Bichitos enaniiiiitos", pero non únicamente. En 1998 Alicia Borrás foi finalista do Premio Lazarillo de Creación literaria coa obra "Versos graciosos, sabrosos y jugosos"

         Gústalle moito ler, desde moi pequena, e dí "Creo que ninguén pode escribir sin ler. É un pracer necesario. Ter un libro novo  provócame a mesma maravillosa sensación que lle pode producir a outros ter unha viaxe planeada, eu viaxo cos libros".

        Sobre a súa outra faceta como actríz de dobraxe, dirixe cursos nos que  dí que  «Nada amosa tanto o noso  carácter como a voz. É unha extensión de nós mesmos. Con ela comunicamos, ferimos, asustamos, divertimos, animamos... Si nos decatáramos de todo o que facemos con ela durante o día,  prestaríamoslle un pouquiño máis de atención. Coa voz optamos a un posto de traballo, enamoramos, seducimos e encantamos...».



1º capítulo , clica aquí



      Reseña do libro "Nata y chocolate"

      Sonia é unha nena de once anos calada, triste e solitaria. A razón é que os seus compañeiros métense con ela por ser albina; Lola incluso lle obriga a facerlle os deberes. Ninguén parece darse conta desta situación ata que unha nova mestra, Inés, chega ao centro e decide cambiar a situación na que vive Sonia...

     Clica baixo a imaxe de Sonia para ler o primeiro capítulo de esta interesante novela sobre as diferenzas, o acoso escolar e o respecto.