Guía de lecturas para o Nadal

 Como cada ano por estas datas compartimos a guía de lecturas recomendadas para o Nadal que elaboran conxuntamente os Equipos das Bibliotecas Escolares do concello de Ames.

(PREMEDE NAS IMAXES PARA VELAS CORRECTAMENTE)

 

 

Fotogramas creativos no mercadillo de libros

 Na Biblioteca están expostas as creacións dos alumnos, debuxos, poemas e contos, que trocaron por libros no mercadillo da semana pasada. O telón, as portas e estanteirías están cubertos gracias á alta participación dos rapaces. Esto é unha mostra dos traballos.

 

Alumnos de primaria no mercadillo de libros

Os alumnos de primaria tamén visitaron a Biblioteca para participar no mercadillo e trocar as súas creacións por libros:

Os pequenos de infantil pasando polo mercadillo

O venres 28 os pequenos de 4º,5º e 6º de Infantil pasaron pola Biblioteca para trocar os dibuxos que prepararon nas clases, polos contos que máis lles gustasen do mercadillo. 

Mercadillo de cine na Biblioteca

   Este luns 24 de outubro celebrouse o Día das Bibliotecas e nós puxemos en marcha unha iniciativa para que participase todo o alumnado do colexio: "Un mercadillo de cine".  Con esta proposta os nenos tiñan que crear unha obra (dibuxo, conto, poema...) nun formato "de fotograma de cine", despois pasar pola Biblioteca e escoller o libro que máis lles gustase da exposición para trocar  polo seu debuxo ou creación. Os maiores xa están pasando para os primeiros intercambios e os últimos serán os pequenos de infantil que o farán o venres. As obras entregadas están expostas na Biblio e serán posteriormente recollidas nun libro.

 

Contacontos para infantil con Ana Meilán

 

O pasado mércores 19 de outubro os pequenos de Infantil recibiron a visita da escritora Ana Meilán, autora de Oito patas, O lobo Rigoberto, Lágrimas baixo a cama, Mil animais podes ser e moitos máis.  contos que temos tanto na Biblioteca do centro como en infantil.

 

Fixéronse tres sesións ao longo da mañán, unha por nivel, e todos  disfrutaron moito con Ana que conectou moi ben cos nenos. Traía tres maletas cheas de historias e de  cousas curiosas e deixou asinados moitos dos seus libros. De remate agasallou aos pequenos con marcapáxinas e outros detalles. 

 (Nos blogs de infantil podedes ver máis fotos das sesións premendo nestes enlaces: 4 anos e 5 anos )

Aviso de Leodoro para o Día das Bibliotecas

 Aquí temos a Leodoro que nos  envía un recado para participar nunha actividade o Día das Bibliotecas. Celébrase o vindeiro 24 de outubro e se queredes conseguir un libro da biblioteca estade atentos ao que vos vai pedir en troque...

"O libro que eu quixera ler" (Infantil)

 Seguindo a proposta do Equipo da Biblioteca  de crear unha "maqueta" dun libro, con portada, lomo, título... os alumnos de infantil "diseñaron" estos exemplares. Algúns deles ademáis teñen dentro unha historia ou conto que inventaron e escribiron os propios nenos.

3 anos

 

4 anos

5 anos

O Carballo de Conxo e a obra de Rosalía de Castro

 Seguramente xa sabedes que "O Carballo de Conxo" do veciño concello de Santiago é a árbore seleccionada por España por votación popular  para presentarse candidata a ÁRBORE EUROPEA DO ANO. Ten máis de 250 anos, uns 30 metros de altura e case 4 de perímetro. 

 Desexamos que, cos nosos votos, o carballo de Conxo sexa elexido como Árbore Europea do Ano, 🌳

 

😕 Podedes preguntarvos cal é a relación desta árbore coa literatura...   

 Pois imos facer un chisco de Historia: o carballo de Conxo é un dos poucos que quedan desa idade e envergadura no entorno de Santiago xa que quedou protexido durante anos nos xardíns privados do antigo Manicomio. A maioría dos outros desapareceron queimados ou talados para empregar nas numerosas curtidurías que nos séculos XVIII e XIX rodeaban a capital e que os empregaban polo tanino para conservar as peles de animais.

👉E aquí ven a relación: ademáis dos anos e o tamaño, outro dos valores engadidos deste carballo é o cultural. No século XIX celebrouse a carón del o histórico Banquete Democrático de Conxo "organizado por estudiantes universitarios (entre eles o poeta romántico Aurelio Aguirre)  onde os xoves estudantes quixeron servila mesa a artesáns e obreiros, como símbolo revolucionario de igualdade, liberdade e fraternidade, os valores democráticos recibidos da Revolución Francesa". Ante eles e cerca do carballo  fixo o poeta o seu famoso Brindis (nas imaxes)

O monte de Conxo tamén inspirou a Rosalía de Castro, quen criticou a tala destas árbores no poema titulado “Los robles”, do seu libro "En las orillas del Sar" (1884). Os seus textos en defensa da naturaleza son hoxe en día unhas das primeiras proclamas ecoloxistas e de loita polas árbores e o medio natural levadas a cabo en España. 👏👏👏

 Así que xa sabedes: LEDE E VOTADE!👍👍👍

 

 (European Tree of the Year)Bosques Sin Fronteiras, convoca o Premio Árbol Nacional e Europeo do Año, dirixidos a significar e valorar árbores que por diversas características son merecedores dun recoñecemento e respeto social. Busca a elección daqueles exemplares cos que as persoas establecen especiais relacións afectivas e que son "Testigos da historia, do clima e do respeto dos pobos"

Premio Astrid LindGren memorial Award 2022

 "A Rede de Bibliotecas Escolares de Galicia, impulsada pola Xunta, está nomeada ao premio internacional Astrid LindGren memorial Award 2022, un dos recoñecementos máis valorados no mundo do libro infantil e xuvenil. O gañador do galardón, outorgado polo Goberno sueco, coñecerase en maio de 2022 no marco da Feira do Libro Infantil en Bolonia.

A candidatura galega atópase entre os 282 proxectos de 71 países que tamén optan a este galardón, e é o único proxecto institucional nomeado en representación de España.

O resto dos candidatos españois son autores a título individual como é o caso da tamén galega escritora, contacontos e actriz Paula Carballeira, as ilustradoras Jacqueline Molnár e Elena Odriozola e o autor Jordi Sierra i Fabra". LER MÁIS AQUÍ +

E para entrar na páxina da asociación (está en sueco e inglés) premede na imaxe de abaixo:

 

24 de outubro: Día das Bibliotecas

 "Dende 1997 o 24 de outubro celébrase o  Día das Bibliotecas, unha conmemoración impulsada pola Asociación de Amigos del Libro Infantil y Juvenil á que se foron sumando o Ministerio de Cultura e todas as administracións autonómicas a través da Dirección Xeral do Libro e Fomento da Lectura. A edición deste ano faise  baixo o lema “Bibliotecas: ler, aprender, descubrir”  Para mais información preme AQUÍ +  
O lema das bibliotecas escolares de Galicia é "a Biblioteca escolar ten a palabra" , e quere poñer o foco na palabra e na oralidade.

 Desde o Equipo  de Dinamización da Biblioteca este ano propuxémoslle aos titores a realización duns marcapáxinas que reflectixen o placer de ler, de aprender, e a aventura de descubrir outros mundos a través das palabras dos libros...

E este foi o resultado:

Os marcapáxinas de infantil

Os marcapáxinas de primaria