Forever young de Bob Dylan na Biblioteca

    Na biblioteca contamos desde fai tempo na sección de música con este libro sobre Bob Dylan, o recente Premio Nobel de Literatura. A profesora de música teno empregado e recomendado nas súas clases, así como feito audicións de algunhas obras de Dylan. O título do libro é "Novo para sempre (Forever young). Desde a súa aparición no ano 1974 no álbum Planet Waves, esta foi unha das cancións máis populares de Dylan. E conta coas ilustracións de Paul Rogers que  fixo "un homenaxe  a un himno que manterá a súa mensaxe nova para sempre" con imaxes inspiradas nas cancións e na vida de Dylan. En palabras do cantante: "escribín Forever Young pensando nun dos meus fillos. As frases viñéronme soas. Foron escritas nun minuto, e así é como xurdiu a canción. Realmente non quería escribila (buscaba algo diferente). A canción escribiuse soa. Algunhas cancións son así.". Bob Dylan.

Bob Dylan: premio Nobel de Literatura

    Este ano o premio Nobel de literatura 2016 non o acadou un escritor digamos "de libros" senón un gran POETA DA MÚSICA. A Academia sueca concedeulle o seu máis importante premio ao cantante BOB DYLAN "por ter creado novas expresións poéticas no marco da gran tradición musical americana". Como dixo Sara Danius, secretaria permanente da Academia cando anunciou o Premio: "Pode ser escoitado e pode ser leido, é un gran poeta na tradición do inglés".

    O cantante americano, ademáis de polo público de varias xeracións, ve así aínda máis recoñecida a súa obra, despois de  ter recibido o Pulitzer en 2008 e o Premio Príncipe de Asturias das Artes no ano 2007. Esta vez o efecto secundario cada vez que un escritor recibe un premio deste calibre, non vai achegar aos lectores ata as librerías senón as tendas de música....

 

    Para saber máis do novo premio nobel desde a páxina oficial da Academia premer AQUÍ+

 

 A resposta está flotando no vento.....

Apertura no recreo

    Ola amigos e amigas!

   Como todos os anos, escribo esta primeira carta para animarvos a traballar e ler moito neste novo curso que comeza, e para ofrecervos a miña casa, a biblioteca, para ler e soñar, facer os deberes, consultar e investigar con todos os libros que temos aquí.   A biblioteca abre as súas portas, durante os recreos, hoxe,  luns 3 de outubro. Lembrade tomar a merenda antes de entrar, facer un uso correcto dos recursos, tanto se os utilizades aquí como na casa, son de todos e todas; e, non esquezades devolvelos no mostrador das profesoras antes da data sinalada no interior do libro. Cando queirades levar ou devolver un libro, tede conta de facelo ao chegar e non deixalo para o final, cando xa hai que recoller, pois é moi probable que entón a ringleira de nenos e nenas sexa demasiado longa e non vos dea tempo.

                   Estouvos esperando.     Un saúdo de Leodoro.                 

Unha presada de ollomaos

    "Aló no norte, na Mariña Lucense, os ollomaos (ou bíteres) traen sorte; navegando, navegando... baixamos ao sur, ao mar de Arousa. Despois dun tempo por alí....remontamos ao interior, polos ríos, e agora chegamos ao Val da Maía!". Así comeza a súa andaina un novo blog no colexio, na aula 2 de infantil, co seu profe Ramón e os nenos e nenas de 5 anos.

     Desde a Biblioteca dámoslle a benvida  e poremos un enlace no recanto de Enredados.

premer AQUÍ para entrar

De volta das vacacións!

Xa estamos de novo no colexio, de volta das vacacións!

 

 Vémonos por Bertamiráns!

 

 

Adeus Agustín!

   Desde a Biblioteca que leva o seu nome queremos despedir a Agustín  Fernández Paz, un dos grandes da literatura galega. Fai moitos anos que nolo prestou e sempre nos sentimos agradecidos e orgullosos de levalo, e seguirá sendo así. Marcha o home... pero vive para sempre o escritor en cada páxina dos seus libros e na memoria dos seus lectores. Nós continuaremos sendo, como el decía, un faro  que anime á lectura. E sempre teremos presente o noso/teu lema “Onde hai unha biblioteca, hai unha luz que traspasa todos os muros. Coma un faro, expande ao seu redor ondas de imaxinación e liberdade. 

 Grazas mestre polos teus libros!

  Reproduzo aquí un texto da Coordinadora Galega dos equipos de Normalización que recolle unha imaxe de Agustín o día da inauguración da nosa Biblioteca.

MACA E NATALIA: BOA SORTE COMPAÑEIRAS!:

 Este curso marchan do colexio cara outros destinos varias compañeiras e, sin esquecer a ningúnha,  xa que a todas botaremos de menos, quero facer aquí unha mención especial a Natalia,  que leva anos despedíndose e sempre conseguía voltar, pero que agora sí marcha definitivamente: sempre estivo aí para colaborar no que fixese falta. E sobre todo a Maca, profesora de inglés e membro do Equipo de Dinamización da Biblioteca, que despois de máis de 12 anos nos que montou e  contribueu a crear a Biblioteca tal e como agora está, integrandoa no Plambe e facendo un enorme traballo como coordinadora durante moitos anos, agora deixanos por outro Centro onde sabemos que lle vai a ir polo menos igual de ben que neste. Sabemos que, como aquí, vai aportar toda a súa valía, o seu saber facer e coñecemento do que é una Biblioteca Escolar, que se vai empregar a fondo, que vai traballar, non moito senón moitísimo (todos os recreos, moitas tardes, en calquer momento libre... como fixo aquí) e sempre coa mesma ilusión e entusiasmo, aportando ademáis ese punto de mesura e calma que sempre agradecemos cando se traballa nun grupo. Xa o dixen algunha vez  “como dín os militares: ..máis alá do cumprimento do seu deber". Nos momentos máis apurados, nos que o tempo e as circunstancias non daban máis de sí, sempre mantivo o sorriso, aportando a calma que facía falta, buscando o lado positivo a todo... 

  
    O equipo de Dinamización da Biblioteca somos coma un quebracabezas, que leva anos encaixándose e modificándose e no que cada un de nós é unha peza que aporta distintas habilidades e capacidades... pezas que cambian, que veñen e van... todas importantes!.  Agora, vainos faltar unha peza que vai deixar un oco moi importante. Pero o que nós perdemos van gañalo os seus novos compañeiros nesta andaina que vai emprender. Desde a Biblioteca do Ceip A Maía xa lle queremos poñer o limiar a este novo libro que  vai comezar a escribir Maca: "Boa amiga e boa compañeira".

    

     E tirando dos escritos de Alfredo Conde (Premio Nacional de Narrativa entre moitos máis) atopei una diferencia entre prólogo e limiar que me encanta. E por eso citando a A. Conde digo que este “é un limiar e non un prólogo, porque un limiar é un soarego de porta, un pórtico, algo que doa a entrada nese recinto, resoando según os seus pasos pisan as liñas dun libro, os sucos que elas son e que resultan arados de novo por ela. Un limiar desvela, abre e alumea, guía polo labirinto que o segue. Un prólogo é un compromiso protocolario, amical ou debido, que permite dar idea da importancia do prologuista, unhas veces, do prologado, case sempre, poisque é quen de recurrir e se abeirar a persoaxe tan soado. Un limiar é outra cousa”. E nós a Maca dedicámoslle este “boa amiga e boa compañeira” para o novo libro que emprende na súa vida, non coma un prólogo de compromiso, senón coma un limiar, unha porta que se lle abre noutro colexio e no que esperamos e sabemos que tamén fará unha pegada polo menos tan importante coma a que aquí nos deixa!

Moita sorte Natalia e Maca!.    Botarémosvos de menos!

Diploma aos alumnos/as colaboradores da Biblioteca

    Este é o merecido DIPLOMA que os alumnos/as que colaboraron na Biblioteca recibiron polo seu traballo ao longo do curso, ademáis da saída que fixeron á Biblioteca de Galicia na Cidade da Cultura (ler máis aquí +)

Parabéns e  grazas rapaces!

1.- Alvarenga Gamón; Jeremías E.

2.- Baliña Abad; Martina

3.- Caeiro Costoya; Diego

4.- Canay Fernández; Brais

5.- Fernández Blanco; Uxía

6.- Fuentes Fandiño; Francisco

7.- Lojo Burés; Laura

8.- Loureiro Esperante; Zeltia

9.- Mato Gómez; Degnesh María

10.- Merelles González-Amigo; Paula

11.- Míguez Blanco; Samuel

12.- Navarro Ayensa; Ane

13.- Pérez Agra; Raúl

14.- Rouco Almuíña; David

15.- Trigo García; Juan

16.- Vázquez Fernández; Natalia

17.- Zaballa Daza; Clara

18.- Fernández Formoso; Andrea

19.- Montaña Mata; Laura

20.- Negreira Patiño; Yéssica

21.- Neira Mella; Aroa

22.- Orosa Paz; Fátima

23.- Pazos Kim; Inés

24.- Pérez López; Marta

25.- Rodríguez Lema; Lucía

26.- Bande Sanjuán; Julia Luisa

27.- Carballal Pazos; Gabriela

28.- Casal Veiga; Candela

29.- Fernández Terán; Laura

30.- Peña Rodríguez; María

31.- Quesada Vidal; Inés

32.- Rodríguez Ramos; Andrea

33.- Romaní Portáls; Raquel

34.- Santos Pena; Paula

35.- Tajuelo Sánchez; Celia

36.- Villaverde Temes; María

37.- Vizcaya Sanluis; Antía