Visita de Eva Mejuto

Dentro do itinerario lector deste curso, o alumnado de 5º de primaria puido ler a novela de Eva Mejuto, "O día que choveron gatos", unha divertida historia chea de humor, sátira, solidariedade e amor polos animais.

Catarina múdase desde a gran cidade a unha pequena, gris e aburrida vila, ou iso pensaba ela. Aínda por riba, o propietario da vivenda onde se instala coa súa familia é Ovidio Lema, un personaxe desprezable que se presenta ás eleccións municipais polo PAI: a plataforma antianimalista que pretende acabar cos gatos da rúa. Catarina ponse a traballar pola súa conta para boicotear a campaña, convencida de que só ela pode salvar os animais. Pero un día van chover gatos e Catarina decatarase de que unha persoa soa non pode cambiar o mundo, pero en boa compañía pode, polo menos, intentalo.

Xela, a superheroína de aldea

Os pícaros e pícaras de 1º de primaria tiveron unha visita moi especial. Os animais da fraga chegaron ao CEIP A Maía para pedirnos que, por favor, coidemos o medio ambiente e sigamos disfrutando dos espazos naturais. Inma Soto, autora do libro "Xela, a superheroína da aldea" foi a mestra de cerimonias e foi quen nos presentounos ao peto, ao paporrubio, a píntega e outros moitos animais que viven na fraga con Xela. Grazas ao seu saber contar e entusiasmo todos e todas saíron ilusionadas por convertérense en superheroes e superheroínas e coidar o planeta.

Contacontos para infantil con Ana Meilán

 

O pasado mércores 19 de outubro os pequenos de Infantil recibiron a visita da escritora Ana Meilán, autora de Oito patas, O lobo Rigoberto, Lágrimas baixo a cama, Mil animais podes ser e moitos máis.  contos que temos tanto na Biblioteca do centro como en infantil.

 

Fixéronse tres sesións ao longo da mañán, unha por nivel, e todos  disfrutaron moito con Ana que conectou moi ben cos nenos. Traía tres maletas cheas de historias e de  cousas curiosas e deixou asinados moitos dos seus libros. De remate agasallou aos pequenos con marcapáxinas e outros detalles. 

 (Nos blogs de infantil podedes ver máis fotos das sesións premendo nestes enlaces: 4 anos e 5 anos )

O Carballo de Conxo e a obra de Rosalía de Castro

 Seguramente xa sabedes que "O Carballo de Conxo" do veciño concello de Santiago é a árbore seleccionada por España por votación popular  para presentarse candidata a ÁRBORE EUROPEA DO ANO. Ten máis de 250 anos, uns 30 metros de altura e case 4 de perímetro. 

 Desexamos que, cos nosos votos, o carballo de Conxo sexa elexido como Árbore Europea do Ano, 🌳

 

😕 Podedes preguntarvos cal é a relación desta árbore coa literatura...   

 Pois imos facer un chisco de Historia: o carballo de Conxo é un dos poucos que quedan desa idade e envergadura no entorno de Santiago xa que quedou protexido durante anos nos xardíns privados do antigo Manicomio. A maioría dos outros desapareceron queimados ou talados para empregar nas numerosas curtidurías que nos séculos XVIII e XIX rodeaban a capital e que os empregaban polo tanino para conservar as peles de animais.

👉E aquí ven a relación: ademáis dos anos e o tamaño, outro dos valores engadidos deste carballo é o cultural. No século XIX celebrouse a carón del o histórico Banquete Democrático de Conxo "organizado por estudiantes universitarios (entre eles o poeta romántico Aurelio Aguirre)  onde os xoves estudantes quixeron servila mesa a artesáns e obreiros, como símbolo revolucionario de igualdade, liberdade e fraternidade, os valores democráticos recibidos da Revolución Francesa". Ante eles e cerca do carballo  fixo o poeta o seu famoso Brindis (nas imaxes)

O monte de Conxo tamén inspirou a Rosalía de Castro, quen criticou a tala destas árbores no poema titulado “Los robles”, do seu libro "En las orillas del Sar" (1884). Os seus textos en defensa da naturaleza son hoxe en día unhas das primeiras proclamas ecoloxistas e de loita polas árbores e o medio natural levadas a cabo en España. 👏👏👏

 Así que xa sabedes: LEDE E VOTADE!👍👍👍

 

 (European Tree of the Year)Bosques Sin Fronteiras, convoca o Premio Árbol Nacional e Europeo do Año, dirixidos a significar e valorar árbores que por diversas características son merecedores dun recoñecemento e respeto social. Busca a elección daqueles exemplares cos que as persoas establecen especiais relacións afectivas e que son "Testigos da historia, do clima e do respeto dos pobos"

Videoconferencia de 4º de primaria con Érika Esmorís, premio Merlín de Literatura Infantil

 O alumnado de 4º mantivo unha videoconferencia coa escritora Érika Esmorís, gañadora do Premio Merlín de literatura infantil 2015 coa novela Nena e o mar (Xerais, 2015).  E tamén gañou o XI Premio de Literatura Infantil da cidade de Málaga coa obra “Patio de luces”.

 Este evento tivo lugar o día 4 de maio ás 10:30 participando as 4 aulas de 4º nivel. Foi unha experiencia especial xa que Érika estaba dende a súa casa falando e interactuando cos alumnos nas aulas.

"Érica Esmorís (A Coruña, 1977). Naceu unha calorosa tarde de xullo preto da praia. O sol, o mar e os libros foron, dende o principio, os seus compañeiros de viaxe. Amante dos animais, estudou veterinaria e, aínda que exerceu uns anos, deseguida cambiou o bisturí polo teclado do ordenador. Traballou nalgunhas das máis importantes produtoras audiovisuais de Galicia, tanto no departamento de desenvolvemento e guión como no de dirección. Como narradora publicou as novelas infantís O poder de Amabel (2012), traducida ao castelán, catalán e éuscaro; e Ulises e as cronoamigas (2015). Gañou o Premio Merlín de literatura infantil 2015 coa novela Nena e o mar (Xerais, 2015)."

 *Premer no enlace para ver máis de Érika Esmorís e a súa obra (http://ericaesmoris.com/)

 

 

As fiestras de Rosalía

  Estas son as "fiestras" cos poemas de Rosalía de Castro que fixemos no colexio para compartir os seus poemas con tódolos veciños repartíndoas polos escaparates de Bertamiráns xunto cos alumnos de todo o Concello, seguindo unha proposta dos Equipos de Normalización.

Día de Rosalía

   

Algunhas das actividades para o día de Rosalía organizadas no centro. Unhas polo equipo da Biblioteca e outras tamén en colaboración co equipo de Normalización: exposición das súas obras, busca de información sobre a escritora a partir dun panel de preguntas, busca e selección de poemas para poñer nas "fiestras", retratos de Rosalía con distintas técnicas... 

Texto da canción : adios ríos , adios fontes 

Voz e música : Amancio Prada

 (Nas seguintes entradas continuaremos mostrándovos máis traballos sobre Rosalía. De momento podedes ver o que fixeron algúns dos pequenos de Infantil nos blogs de 4 anos e de 5 anos )

Exposición do Día das Escritoras

  O 14 de outubro celébrouse o Día das Escritoras unha iniciativa  da Biblioteca Nacional, (entre outras institucións) que naceu coa intención de difundir o legado cultural das escritoras hispanas e hispanoamericanas, recordar as dificultades ás que se enfrontaron e destacar o valor das súas obras. 

 O Equipo de Dinamización da Biblioteca fixo unha pequena selección que se colocou no espazo habilitado no primeiro andar.

Día das escritoras

  O 14 de outubro celébrase o Día das Escritoras unha iniciativa da Biblioteca Nacional, a Federación Española de Mulleres Directivas, Executivas, Profesionais e Empresarias (FEDEPE) e a Asociación Clásicas y Modernas (CyM) coa intención de difundir o legado cultural das escritoras hispanas e hispanoamericanas, recordar as dificultades ás que se enfrontaron e destacar o valor das súas obras. 

 Propoñémosvos darlle unha ollada aos títulos de escritoras que poidades ter pola casa, nas Bibliotecas próximas e na nosa mesma Biblioteca... a ver que atopades! 

Na rede podedes atopar moitas listas, por exemplo esta de escritoras galegas... que está a medrar: 

Rosalía de Castro, Concepción Arenal y Emilia Pardo Bazán- María Victoria Moreno- An Alfaya · Ana Romaní · Andrea Maceiras · Antía Otero · Ánxela Gracián · Arantza Portabales · Aurora Marco · Begoña Caamaño · Begoña García-Alén · Berta Dávila · Dolores Vilavedra · Dores Tembras · Eli Ríos · Emma Pedreira · Emma Ríos · Estibaliz Espinosa · Eva Moreda ·Exeria - Felicia Estevez Salazar · Filomena Dato · Fina Casalderrey · Helena Villar Janeiro · Inma Lopez Silva · Iolanda Zuñiga · Ledicia Costas · Luisa Villalta · Luz Pozo · Margarita Ledo · Maria Canosa · Maria do Cebreiro · María Mariño- Maria Reimondez · Maria Yañez Anllo · Marica Campo · Marta Dacosta · Mercedes Queixas · Rexina Vega · Rosa Aneiros · Rosario Alvarez · Rosalia Fernandez Rial · Teresa Moure · Úrsula Heinze · Xohana Torres · Xulia Pisón · Xulia Vicente · Yolanda Castaño etc ....

 Outra posible lista é esta  de 60 escritoras-españolas, desde a idade media...

 

 Ou esta outra de escritoras españolas actuais... 

 

E VÓS, A QUEN TEDES NAS VOSAS BIBLIOTECAS ???

CAL É A VOSA LISTA???

Presentación do libro "Ben va al cole"

   Dru Parbel, escritora de poesía, novela e conto,  e nai de Arón, un alumno de 6ºC de infantil do noso colexio, vai presentar este sábado 28 de setembro ás 12 h na Biblioteca municipal de Bertamiráns o seu último libro "Ben va al cole". Conta coas ilustracións de Makoke Torralba Mallo.

 O conto trata de mostarlles aos máis pequenos o xeito de recoñecer e actuar fronte ao acoso escolar. O máis básico para que saiban reaccionar  ante o "bulling", que por desgraza se dá desde preescolar.

Celtia: Cantamos? cos alumnos de 3º

    Os alumnos de 3º  recibiron a visita da  actriz e escritora Celtia Figueiras. No seu blog dí que "desde ben cativa os contos foron a súa paixón. Ler, escribir e interpretar formaron sempre parte da súa vida". Celtia  é autora dos textos e forma parte das voces dos contos do audiolibro Cantamos? que o  músico e titiritero  madrileño afincado en Galicia Luis Vallecillo publicou para toda a familia. Nos dous CDs do libro combínanse contos, música e pictogramas. Celtia contoulles aos nenos, entre outras, a historia do Marqués de Carabás e unha versión dos tres porquiños que remata dun xeito peculiar e da que podedes uns minutos no video co que se remata esta entrada. 

   Para o libro tamén contou coa colaboración da ilustradora Blanca Millán e  conta co apoio de pictogramas supervisados pola Federación Galega de Autismo.  

 Reseña do libro: Rosi, unha nena á que lle encantan a música e os contos descobre, a través do artista que vai dar un concerto ao seu colexio, que os contos se poden cantar!

 Os rapaces e as rapazas de 3º  remataron bailando  con Celtia a canción de Xan sen medo!

Anxela Loureiro: "Choiva de ras" na Maía

   O xoves 28 de marzo os alumnos de 3º de primaria recibiron a visita de Ánxela Loureiro. A súa obra “Choiva de ras” foi a que traballaron os nenos nas clases e trátase dunha ventura protagonizada por animais, chea de música e humor, que afonda nos valores da amizade, a solidariedade e o respecto. Ánxela deleitounos coa súa guitarra tocando as canción do libro.

 É escritora de literatura infantil e xuvenil que cultiva diferentes xéneros literarios: teatro, novela, poesía e guión cinematográfico. Foi membro do grupo folk Saraibas (ao que pertence a canción Chorima que acompaña esta montaxe).  É mestra de Educación Primaria coas especialidades de Ciencias Sociais, Música, Lingua castelá e Lingua inglesa e exerce como asesora de Educación en Valores no Centro de Formación e Recursos de Ferrol.

Traballa como investigadora na recuperación dos xogos tradicionais dende a escola. Iniciouse como escritora en 1978 coa obra de teatro ¡Ollo hai lurpios na horta!, que acadou o premio de teatro Infantil do Ateneo Ferrolán e publicou as seguintes obras de literatura infantil: “Viaxe de ida e volta”, “Laia, a nena da illa” , “Camiño perigoso” ,  “Ota quere voar” entre outras.

os poemas de Rosalía polas rúas de Bertamiráns.

    Como seguramente xa vistes polas rúas de Bertamiráns, ao longo destas semanas mediante os proxectos “Rosalía tamén vive aquí” e “Rosalía na terriña”, unha idea do equipo de normalización do Concello, estivemos a colocar carteis e laxas de pizarra con distintos versos da poetisa, co obxectivo de compartir coa veciñanza os seus poemas. 

Neste Issuu podedes ler os que non atopastes polas rúas. (para velos ben ampliade a imaxe a pantaia completa)

Un paseo literario con Rosalía polo rego Ameneiral

 

     Nos últimos anos o Centro participa co resto da comunidade educativa nunha proposta do Equipo de Normalización Linguística do Concello de Ames para celebrar o aniversario de Rosalía de Castro con diversa iniciativas que queremos compartir cos veciños. Este ano cada clase escolleu un poema da escritora e decorou carteis que despois os nenos levaron para  casa para expoñer por todo Bertamiráns.

    Fixeron o mesmo cunha laxa de pizarra que despois cada clase levou para colocar no Parque do rego Ameneiral: os maiores foron camiñando e os máis pequenos en bus. Alí a carón do rio podedes pasar un rato lendo anacos da súa obra.

  Podedes ver toda a información (videos e entrevistas na radio Ames), premendo AQUÍ na web do cole.

  Copias das láminas están expostas polos corredores do colexio, tanto en infantil como en primaria.