Amadriñamentos lectores entre alumnos de primeiro e 6º de infantil

Dentro das actividades promovidas pola Biblioteca este curso volvemos aos amadriñamentos lectores. Os alumnos de 1º de primaria visitaron aos nenos de 6º de infantil  para lerlles uns contos. . Recolléronos nas clases e foron ao patio buscando recantos que se prestasen á lectura. Estas son algunhas das fotos que se fixeron desta actividade. A experiencia funcionou moi ben e foi moi enriquecedora tanto para os lectores como para os que os escoitaban!

 

"O libro que eu quixera ler" (Infantil)

 Seguindo a proposta do Equipo da Biblioteca  de crear unha "maqueta" dun libro, con portada, lomo, título... os alumnos de infantil "diseñaron" estos exemplares. Algúns deles ademáis teñen dentro unha historia ou conto que inventaron e escribiron os propios nenos.

3 anos

 

4 anos

5 anos

As etapas da Historia polos alumnos de 6º

 

  Os alumnos e alumnas de 6º de primaria estiveron traballando as edades do home, un paseo pola Historia desde o Paleolítico. Cada alumno escolleu unha etapa da historia, buscou información e plasmouna neste lapbooks. Despois tivo que explicala diante dos seus compañeiros. O resultado espúxose na Biblioteca para poder ser visitado polos compañeiros. Esta é unha pequena mostra das presentacións realizadas. 

 

Érica Esmorís cos alumnos de 4º

 

  A escritora ÉRICA ESMORÍS estivo na Biblioteca cos alumnos de 4º de primaria falando do seu libro "Patio de luces", que conta coas ilustracións de Juan Berrio. Trátase  dun libro para ver o mundo desde ountra perspectiva, coa axuda da imaxinación, como fai Lea, unha nena que pasa as tardes co seu avó, que é porteiro dun edificio, unha profesión que, pertence xa case ao pasado. Aburrida ao principio, a rapaza comeza a imaxinar as vidas das persoas dos diversos pisos a través da observación dos tendais da roupa. 

 

Érica naceu na Coruña en 1977:  amante dos animais, estudou veterinaria e exerceu uns anos pero pronto comezou a traballar nalgunhas das máis importantes produtoras audiovisuais de Galicia,  nos departamentos de guión como de dirección.

Como narradora, publicou as novelas infantís O poder de Amabel (2012), traducida ao castelán, catalán e éuscaro e Ulises e as cronoamigas (2015).

Gañou o Premio Merlín de literatura infantil 2015 coa novela Nena e o mar (Xerais, 2015).

 

 

Érica xa estivo cos alumnos de 4º  do curso pasado a través dunha videoconferencia desde a súa casa.

Luis Vallecillo co alumnos de 6º de Infantil

     

 Fai uns días os alumnos de 6º de infantil recibiron a visita do músico Luis Vallecillo por cortesía do Consorcio Editorial. O cantante e os nenos compartir uns anacos musicais no escenario da Biblioteca.

Me acompañas? Un libro de 6ºB de Infantil

Seguindo as actividades propostas para a  celebración do Día do libro, os alumnos de 6ºB Infantil crearon e debuxaron este conto relacionado coa historia de Paul Klee.  Premer na imaxe para ler o conto.

 Ademáis fixeron este video para "presentar o libro" nunha roda de prensa e con sinatura dos exemplares!. Despois cada neno levou un exemplar do conto asinado polos seus compañeiros. Todo un traballo en equipo.

 

En recordo de Kathy

 Con moita tristura e dor despedimos á mestra Ana Katterina Gómez Pardo, quen durante un tempo foi membro do Equipo de Dinamización desta Biblioteca.

 Queremos manter a Kathy sempre no noso recordo: como  compañeira e amiga, unha persoa alegre, divertida e colaboradora. Ninguén se vai de todo mentras vive na memoria dos que a coñeceron. Non atopamos palabras abondo para consolar a todos os que coñecían e querían a Kathy e só podemos acompañalos de corazón nestes momentos.  

                                       Vive para sempre no corazón dos que deixas atrás...

 

 

Exposición fondos no Día de Rosalía

 O Equipo da Biblioteca preparou para o Día de Rosalía de Castro unha exposición na que se mostraron os libros da autora que temos no Centro.

(Tamén se fixeron por parte dos alumnos e titores diversas actividades que se irán mostrando en breve.)

Aumentando os fondos!

 Seguimos ampliando os fondos da Biblioteca. Esta tempada os do Equipo engadimos, na sección de primeiros lectores, estes libros para os máis pequenos de Infantil :

 e estes outros para os máis maiores:

 

Esperamos que vos gusten!!!