Día dos dereitos dos nenos.

 O pasado 20 foi o Día dos dereitos dos Nenos e para conmemoralo o Equipo de Dinamización da Biblioteca xunto co Equipo de Convivencia   prepararon unha serie de actividades e montaron un recanto no segundo andar polo que foron pasando os alumnos. Espuxéronse libros sobre o tema dos fondos da Biblioteca.

  

 Tamén podedes ver na web do colexio: as exposición  de carteis sobre a violencia de xénero,  a porta violeta de Rozalén dos alumnos de relixión e tamén ler os comentarios sobre as curtametraxes escritos polos rapaces que asistiron ao Cinema Crianza e que estaban centradas no acoso escolar, sexismo e discriminación e superación de obstáculos.

 (ademáis dos materiais aportados por Convivencia e Biblioteca, tamén atopamos na rede este interesante  recopilatorio de recursos feito por Asunción García Álvarez para traballar os dereitos dos nenos.)

BIBLIOPAZ 2018

  Achegándonos ao Día da Paz, o Equipo de Dinamización da Biblioteca preparou un recanto fora do noso espazo físico no primeiro andar ao que lle chamamos BIBLIOPAZ para compartir uns momentos de lectura con libros sobre os valores, os dereitos, a paz e a convivencia.

 

LIBROS POLA IGUALDADE

   

   Nesta entrada vou poñer máis polo miúdo algunhas das portadas dos libros da Biblioteca itinerante do Punto de Igualdade do que falamos anteriormente. Temos revisións de contos clásicos, outros puntos de vista, uns serios, outros con humor, relatos, libros ilustrados, banda deseñada, libros para os máis pequenos, para os adolescentes e para as familias. Para ler e sobre todo para reflexionar sobre eles... E todos adicados a previr as desigualdades de xénero e a violencia machista.

 

Día da Infancia, dos Dereitos Humanos e da Violencia de Xénero

    Durante a semana do 20 ao 24 de novembro traballamos nas aulas o Día da Infancia, os Dereitos Humanos e da Violencia de Xénero. 

    Para elo fíxose unha exposición de libros na Biblioteca  (informativos, de narrativa...) para que o profesorado e alumnado os poidera atopar doadamente.

 

    Este curso ademáis contamos coa colaboración do concello e a súa campaña "Punto de igualdade" que nos aportou material para traballar o tema da igualdade de xénero (ver entrada anterior).

PUNTO DE IGUALDADE

    Dentros dos actos pola igualdade e contra a violencia de xénero que se realizan no Concello de Ames, está a creación dunha Biblioteca sobre o tema, que foi presentada, entre outras, pola directora do Centro de Información á Muller de Ames (CIM), María Teresa Arufe. Con esta iniciativa que se chama PUNTO DE IGUALDADE búscase promover a través destes libros o respecto, a igualdade e a seguridade en si mesmas das alumnas e alumnos do Concello para que sexan capaces de cambiar  o mundo no que viven.

  

XELA VOLVEUSE VAMPIRA: A VIOLENCIA DE XÉNERO

  O alumnado de 6º traballou sobre a VIOLENCIA DE XÉNERO a través do libro "XELA VOLVEUSE VAMPIRA" que lles recomendou o Equipo da Biblioteca. Un libro  da escritora Fina Casalderrey coas ilustracións de Noemí López  editado por Bahía na colección Contos da Igualdade.

    O texto leuse nas aulas de 6º ao longo da semana, gustoulles moito e foi unha maneira xenial de tomar conciencia e achegarse a un tema tan duro. 


     Ademáis fixéronse resumes e ilustracións, algunhas das cales están nesta presentación. Nas demáis aulas de primaria, traballouse o tema de xeito puntual.

PREMER    AQUÍ   PARA VER OS TRABALLOS

Os alumnos de 5º cóntannos os Dereitos Humanos

   Un traballo realizado polos alumnos e alumnas de 5º de primaria no que se achegan aos DEREITOS HUMÁNS a partir de libros proporcionados polo Equipo de Dinamización.

    Para saber máis sobre a Declaración de Dereitos podedes entrar na páxina da ONU.

  A Declaración de Dereitos Humáns foi proclamada pola Asamblea Xeral das Nacións Unidas o 10 de decembro de 1948, en París, como ideal común polo que tódolos pobos e nacións deben esforzarse.

  Mediante esta Declaración, os Estados comprometéronse a asegurar que tódolos seres humáns, ricos e pobres, fortes e débiles, homes e mulleres, de tódalas razas e relixións, son tratados iguais. 

  Por desgraza non temos máis que mirar arredor para ver que aínda falta moito para acadar este obxectivo....

  Para lembrárnolos os rapaces de 5º realizaron un mural que está exposto na Biblioteca.

 

 

LETRAS, NÚMEROS, IMAXES E UN NENO NA PRAIA…

"rapaces na praia" de J.Sorolla

   Comezamos un novo curso rodeados como sempre de letras e números:  1 novo equipo directivo,  porcentaxes, axustes de horarios, recortes de mestres … un curso con 640 nenos, 75 deles nas clases de 3 anos, 75 iniciandose en primaria, outros 70 que marcharon para o instituto… Facemos números para mercar  roupa nova,  materiais, mochilas, ordenadores…

   Letras, números… e tamén  imaxes  que sacuden conciencias… A mín, como a todos, deixoume sen fala  1 neno na praia (...igual que os nosos pequenos) que xa non poderá coller as súas primeiras cores… 1 neno que debería estar xogando como os que pintou Sorolla...

    Fálase agora de cuotas, pero son persoas, 17.000 que vai acoller o noso país, un reparto frío feito nas mesas dos políticos, pero son millóns os desprazados, son millóns os que non teñen casa, escola, comida, seguridade… millóns de pais e nais que acuden a nós fuxindo da barbarie… buscando o mellor para os seus nenos, un refuxio.

 E polo medio  as teorías: dín que os nosos nenos non deberían estar expostos a esas duras  imaxes , que se poden traumar, que o que teñen que facer é disfrutar. Igual sí…Ou non…Non podemos pechar os ollos diante de esos ollos que nos miran desde o outro lado da pantalla... Porque podían ser os nosos a través do espello…

   Tamén eles tiñan unha familia,  unha casa, unha  escola, unha biblioteca, un conto favorito para durmir… E os nosos nenos deben saber a sorte que teñen por nacer deste lado do mundo no que os malos son o lobo de Carapuchiña e as bruxas do conto, no que, si choran, mamá é papá non van ter mais medo que eles polo que lles poida pasar… no que correr só é para seguir detrás dunha pelota ou ao pilla pilla… e non para salvar a vida ou coller un bocadillo que che tiran polo aire.

     Ensinámoslles a sumar e a multiplicar,  pero o mundo tamén  resta e divide…  Mentras os nosos alumnos debuxan mapas na clase de coñecemento, outros nenos atopan  fronteiras de aramio, fronteiras debuxadas para separarnos…  Fronteiras entre o norte e o sur, o este e o oeste, o  1º mundo e o 3º mundo… Máis números... Cando en realidade só temos un mundo e todos estamos xuntos nel…

Así que imos contar (e cambiar) o conto: “Fai uns días un neno chegou á praia… 

INFANCIAS ROUBADAS...

      Cando estaba preparando imaxes para traballar a paz cos máis pequenos, escollín o cadro  "Nena con Pomba" de Picasso e entón veume á cabeza unha foto que vín na rede, "Outro Neno con un Paxaro nas Máns". Non me importa se ten truco, se o ángulo escollido e este ou aquel, nin quen a fixo nin onde, nin baixo que bandeira ou deus... A imaxe é tremenda... e apartándome un chisco da dozura da imaxe de Picasso, escollín unhas cuantas máis (non é preciso buscar moito, hai montóns delas). E sin poñer as máis terribles e explícitas, que estamos acostumados a ver a diario e que xa parece que nos resbalan por cotiás, fixen esta montaxe que vos poño abaixo.

       Para recordar a esos outros nenos que pasan fame, sede, que teñen que traballar, que son vitimas das guerras... e as veces tamén verdugos, que perden as súas familias, sin  casas e escolas, explotados sexualmente, desarraigados en campamentos nos que, desprotexidos, volven ser vitimas dos que terían que protexelos... Son vitimas de guerras de intereses, relixiosas, económicas, territoriais... Guerras que non entenden,  pero que pasan a diario, ocupando 5 minutos nos telexornais ou unha escueta  reseña nos periódicos...

    

    Cando abrades a presentación, cambiade a perspectiva: poñédelle os ollos dos nenos que temos a carón. Poñede os vosos propios ollos. Porqué eles sí... e nós non?

O neno do paxaro...   e a nena da pomba de Picasso

Según a Declaración de Xinebra: "A Humanidade debe darlle aos nenos o mellor de si mesma"

 Os dereitos dos nenos:

NELSON MANDELA

     

NELSON MANDELA

Unha pequena homenaxe a NELSON MANDELA:  un gran home, un gran lider e loitador incansable polos Dereitos Humanos que despois de permanecer na cadea durante 27 anos foi quen de perdoar e de unir a un pobo devastado polo apartheid, ata conseguir unha democracia multirracial en Sudáfrica baixo o lema "un pobo, unha nación". No ano 1993 consigueu o Premio Nobel da Paz e foi presidente do seu país loitando sempre pola reconciliación nacional.

    
   



  Desde a Biblioteca queremos lembrar algunhas das súas frases máis coñecidas, como esta: 

“A EDUCACIÓN  E A ARMA MÁIS PODEROSA QUE PODES ESCOLLER PARA CAMBIAR  O  MUNDO” 

CLICA AQUÍ